މާލޭގައި ފަހަކަށް އައިސް ސިލްސިލާކޮށް ހިނގަމުން އަންނަ މާރާމާރީތަކާ ގުޅިގެން ބަޔަކު ހައްޔަރުކޮށްފިއެވެ.

ދިވެހި ފުލުހުންގެ ޚިދުމަތުގެ މީޑިއާ ގްރޫޕްގައި ނޫސްވެރިޔަކު ކުރި ސުވާލަކަށް ޖަވާބުދެމުން ބުނެފައިވަނީ، ސީރިއަސް ކުށްތަކަށް ޝައްކުކުރެވޭތީ މާލެއިން ބަޔަކު ހައްޔަރުކޮށްފައިވާ ކަމަށެވެ.

ނަމަވެސް، ހައްޔަރުކުރެވުނު މީހުންގެ އަދަދާއި އެމީހުންގެ އުމުރުފުރާ ފަދަ ތަފްސީލީ މަޢުލޫމާތު މި ވަގުތު ހާމަކޮށްފައެއް ނުވެއެވެ. ފުލުހުން ވަނީ އިތުރު ތަފުސީލު ފަހުން ހިއްސާކުރާނެ ކަމަށް ބުނެފައެވެ.

ފާއިތުވި އެއް ހަފުތާގެ ތެރޭގައި މާލޭގައި މާރާމާރީގެ އެތައް މައްސަލައެއް ހިނގާފައިވާކަން ފާހަގަކުރެވެއެވެ. މީގެ ތެރެއިން، ފާހަގަކޮށްލެވޭ އެއް ހާދިސާއަކީ މާލޭގެ ކެފޭއެއްގައި ހިންގި މާރާމާރީއެކެވެ. މި މައްސަލައާ ގުޅިގެން ނޭޕާލު ރައްޔިތެއް ވަނީ މައްސަލަ ނިމެންދެން ބަންދުކޮށްފައެވެ.

މީގެ އިތުރުން މާލޭގައި އާއި ހުޅުމާލޭގައި ވެސް ކޯރާޑިން ހަމަލާ ދިނުމުގެ ދެ މާރާމާރާމާރީއެއް ހިނގާފަވެއެވެ. އަދި މި ނޫން ވެސް ބައެއް މާރާމާރީތައް ހިނގާފަވެއެވެ.