logoEN
ޚަބަރު

350,000 އަށްވުރެ ގިނަ ފަތުރުވެރިން ރާއްޖެއަށް

ފަތުރުވެރިންތަކެއް ރާއްޖޭގައި

ފަތުރުވެރިންތަކެއް ރާއްޖޭގައި

ސުދާ ލަތީފްސުދާ ލަތީފް

19 ފެބްރުއަރީ 2025 - 06:51

މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 350،000 މައްޗަށް އަށް އަރާފައިވާ ކަމަށް ފަތުރުވެރިކަމާއި ބެހޭ ވުޒާރާގެ ތަފާސް ހިސާބުތަކުން ދައްކައިފިއެވެ.

އެ ވުޒާރާއިން މިއަދު އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން އިއްޔެއަ ހަަމައަށް ރާއްޖެއަށް، 358،999 ފަތުރުވެރިން ވަނީ އައިސްފައެވެ. މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 335،467 ފަތުރުވެރިންނެވެ. މިދިޔަ އަހަރާއި އަޅާ ބަލާއިރު، މި އަހަރުގެ މި މުއްދަތުގައި ރާއްޖެއަށް އައި ފަތުރުވެރިންގެ އަދަދު 7.0 އިންސައްތަ އިތުރެވެ.

މިއަހަރުގެ މިހާތަނަށް ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރީ ޗައިނާއިންނެވެ. އެ ގައުމުން ރާއްޖެއަށް 54،438 ފަތުރުވެރިން އައިސްފައިވާއިރު، އެ ލިސްޓުގެ ދެވަނައިގައި މިހާރު އޮތް ރަޝިއާއިން 35،391 ފަތުރުވެރިން އައިސްފައި ވެއެވެ. އަދި 34،817 ފަތުރުވެރިންނާއެކު ތިންވަނައަށް އެންމެ ގިނައިން ފަތުރުވެރިން އައިސްފައިވާ ކަމަށް ދައްކަނީ އިނގިރޭސިވިލާތުންނެވެ.

އެ ވުޒާރާގެ ތަފާސް ހިސާބުތައް ދަައްކާ ގޮތުން ރާއްޖެ އަންނަަ ފަތުރުވެރިންގެ ތެރެއިން 69.0 އިންސައްތަ މީހުން ދަނީ ރިސޯޓްތަކަށެވެ. އަދި 25.9 އިންސައްތަ މީހުން ގެސްޓްހައުސްތަކަށް ދާއިރު، ހޮޓަލްތަކަށް ދަނީ 2.7 އިންސައްތަ މީހުންނެވެ.

ރާއްޖޭގެ ޖުމްލަ 172 ރިސޯޓެއް ފަތުރުވެރިންނަށް ހުޅުވާލާފައިވާއިރު، 796 ގެސްޓުހައުސް ހިންގަމުން އެބަދެއެވެ. އަދި ފަތުރުވެރިކަމުގެ ހިދުމަތްދޭ 155 ސަފާރީ އެބައޮތެވެ.

މި އަހަރު ސަރުކާރުން އަމާޒު ހިފާފައިވަނީ 2.3 ފަތުރުވެރިން ރާއްޖެއަށް ގެނައުމަށެވެ.

ކޮމެންޓް

871x217_placeholder