ކާނާ ވިހަވެގެން ހުޅުމާލޭ ހޮސްޕިޓަލަށް ރޭ ގެންދިޔަ އެންމެންވެސް ފަރުވާއަށް ފަހު މިހާރު ދޫކޮށްލައިފިއެވެ.

މެންދުރު ޓީވީއަށް މައުލޫމާތުދެމުން ހުޅުމާލެ ހޮސްޕިޓަލުން ބުނީ ކާނާ ވިހަވެގެން ހުޅުމާލެ ޑިޓެންޝަން ސެންޓަރުގައި ތިބި 19 މީހަކު ހޮސްޕިޓަލަށް ގެނެސް ފަރުވާދީފައިވާކަމަށެވެ.

Ad by Hajj Corporation

ކާނާ ވިހަވެގެން ފަރުވާ ދިން މީހުންގެ ތެރޭގައި ހިމެނޭ 3 އަންހެނަކާއި 16 ފިރިހެނުން ރޭ ދޫކޮށްލާފައިވާއިރު ބާކީ ތިބި މީހުން ދޫކޮށްލީ މިއަދުއެވެ.

ހާދިސާއާ ގުޅިގެން އިމިގްރޭޝަން ޑިޓެންޝަން ސެންޓަރަށް ހުޅުމާލެ ހޮސްޕިޓަލުގެ ނަރުހުންނާ ޑޮކްޓަރެއްވެސްވަނީ ފޮނުވާފައެވެ.

މިކަމާ ގުޅިގެން ފުލުހުން ވެސް ރޭ ވަަނީ ހާދިސާ ހިނގި ސަރަހައްދުގައި ހަރަކާތްތެރިވެފައެވެ.

އިމިގްރޭޝަނުން މިއަދު ބުނީ ހޮސްޕިޓަލުގައި އެޑްމިޓްކޮށްގެން ފަރުވާދިން ހުރިހާ ބިދޭސީން އަނބުރާ ޑިޓެންޝަން ސެންޓަރަށް މިހާރު ގެންގޮސްފައިވާ ކަމަށެވެ. އަދި ހުރިހާ އެންމެންގެ ހާލުވެސް ރަނގަޅު ކަމަށާއި މިކަމާއި ގުޅިގެން ބަލަން ޖެހޭ ކަންކަން ބަލަމުން ދާކަމަށެވެ.