އިނގިރޭސި ޕްރިމިއާ ލީގުގައި ރޭގައި މެންޗެސްޓަރ ސިޓީގެ އިއްތިހާދު ސްޓޭޑިއަމްގައި ކުޅުނު މެޗުން ލިވަޕޫލް 2-0 ގެ ނަތީޖާއަކުން މޮޅުވެ، ތާވަލުގެ ކުރީގައި 11 ޕޮއިންޓުގެ ލީޑެއް ހޯދައިފައެވެ.

މިމޮޅާއެކު ލިވަޕޫލް ވަނީ މިހާތަނަށް ކުޅުނު 27 މެޗުން 64 ޕޮއިންޓު ހޯދައިފައެވެ. ދެވަނައިގައިވާ އާސެނަލް އަށް 26 މެޗުން ލިބިފައިވަނީ 53 ޕޮއިންޓެވެ. ނަމަވެސް އާސެނަލް އަށް އަދިވެސް އެއް މެޗު މަދުން ކުޅެވިފައިވާއިރު، އެ މެޗުން މޮޅުވެއްޖެނަމަ ދެ ޓީމުގެ ފަރަގު 8 ޕޮއިންޓަށް ކުޑަވެގެންދާނެއެވެ.

ރޭގެ މެޗުގެ ފުރަތަމަ ލަނޑު ޖަހައިދިނީ މި ސީޒަނުގައި މޮޅުކުޅުމެއް ކުޅެމުން އަންނަ މުހައްމަދު ސަލާޙުއެވެ. މިގޯލާއެކު ސަލާޙު ވަނީ މިސީޒަނުގައި ލީގުގައި ޖުމްލަ 25 ގޯލާއެކު 16 އެސިސްޓް ހަދާފައެވެ. އަދި މިސީޒަނުގައި ހުރިހާ މުބާރާތްތަކުން 30 ގޯލާއި 20 އެސިސްޓާއެކު ޖުމްލަ 50 ގޯލު ޖެހުމުގައި ސީދާގޮތުން ސަލާޙު ވަނީ ބައިވެރިވެފައެވެ. މިއާއެކު ސަލާޙު ވެގެންގޮސްފައިވަނީ ޕްރީމިއަރ ލީގުގައި ފުރަތމަ ފަހަރަށް 2 ސީޡަނެއްގައި 40 ގޯލް ޖެހުމުގައި ސީދާގޮތުން ބައިވެރިވި ފުރަތމަ ކުޅުންތެރިޔާއަށެވެ. އަދި ސަލޅާޙުވަނީ ލިވަޕޫލް އާއިއެކު ފަސް ސީޒަނެއްގައި 30 އަށްވުރެ ގިނަ ލަނޑު އެއް ސީޒަނެއްގައި ޖަހާ، ރޮޖަރ ހަންޓް އާއި އިއާން ރަޝްގެ ރިކޯޑާ އެއްހަމަކޮށްފައެވެސަލާޙު ރޭގައި ޖެހިގޯލާއެކު މެންސިޓީގެ ކުޅުމަށް ބޮޑެތި ބަދަލުތަކެއް އައިސްފައިވެއެވެ. ނަމަވެސް މެޗުގެ ދެވަނަ ލަނޑު ޖެހީ ފުރަތަމަ ހާފު ނިމެން 8 މިނިޓަށް ވެފައިވަނިކޮށް ސަލާޙު ދިން ބޯޅައަކުން ޑޮމިނިކް ސޮބޮޒްލާއީ އެވެ. މި ލަނޑު އޭނާ ޖެހީ ސަލާ ދިން ބޯޅައަކުންނެވެ.

މައްސަލަތަކާ ކުރިމަތިލަމުންދާ މެންސިޓީގެ ސްޓްރައިކަރު އާލިން ހާލަންޑް މި މެޗުގައި ނުކުޅުނުއިރު، އިއްތިހާދު ސްޓޭޑިއަމްގައި އެންމެ ފަހުން ލިވަޕޫލް ކުޅުނު 15 މެޗުގެ ތެރެއިން އެންމެ ފަހަރަކު މެނުވީ މޮޅުނުވި ނަމަވެސް، ރޭގެ މެޗުގައި އެ ޓީމުން ދައްކައިފައިވަނީ މުޅިން ތަފާތު ކުޅުމެކެވެ.