ސްޕެނިޝް ލީގުގައި ރޭ ރެއާލް ސޮސިއެޑާޑާ ދެކޮޅަށް ކުޅުނު މެޗު 4-0 ގެ ނަތީޖާއަކުން ކާމިޔާބުކޮށް، ލީގު ތާވަލުގެ އެއްވަނަ މަގާމު ބާސެލޯނާއިން އަލުން ހޯދައިފިއެވެ. މި ކާމިޔާބީއާއެކު ބާސެލޯނާ މިވަނީ 57 ޕޮއިންޓާއެކު ތާވަލުގެ އެއްވަނައަށް އަރާފައެވެ. ދެވަނައިގައި 56 ޕޮއިންޓާއެކު އެތްލެޓިކޯ އޮތްއިރު، 3 ވަނައިގައި ރެއާލް މެޑްރިޑް އޮތީ 54 ޕޮއިންޓާއެކީގައެވެ.

ބާސެލޯނާގެ ދަނޑު މޮންޖުއިކް ގައި 40 ހަހާހަށްވުރެ ގިނަ ސަޕޯޓަރުންނާއެކު ކުޅުނު މި މެޗުގައި ބާސެލޯނާއަށް ހިންދެމިލެވުނީ ސޮސިއެޑާޑްގެ އަރިޓްޒް އެލުސްޓޮންޑޯ އޮލް،މޯ އަށް ކުރި ފައުލަކާއި ގުޅިގެން މެޗުގެ 17 ވަނަ މިނިޓުގައި ރަތް ކާޑެއް ދެއްކުމާގުޅިގެންނެވެ. ރަތްޚާދުގެ ފަހުން މުޅިމެޗު ކޮންޓްރޯލް ކުރަމުން ގެންދިޔައީ ބާސެލޯނާއިންނެވެ.

މެޗުގެ ފުރަތަމަ ލަނޑު 25 ވަނަ މިނިޓުގައި ޖެރާޑް މާޓިން ޖެހުމަށްފަހު، އޭގެ ތިން މިނިޓު ފަހުން މާކް ކަސާޑޯ ވަނީ ދެވަނަ ލަނޑު ޖަހާފައެވެ. މިއީ މިދެކުޅުންތެރިންގެ ކެރިއަރުގެ ފުރަތަމަ ގޯލެވެ. މި ދެ ލަނޑުގެ އެސިސްޓްވެސް ދިނީ ޑެނީ އޮލްމޯއެވެ. ދެވަނަ ހާފުގެ ކުޅުން ފެށުނުތާ 11 ވަނަ މިނިޓުގައި ރޮނަލްޑް އަރައުހޯ ވަނީ ރަފީނިއާގެ ކޯނަރަކުން ބޮލުން ޖަހާ ތިންވަނަ ލަނޑު ކާމިޔާބުކޮށްދީފައެވެ.

މެޗުގެ ހަތަރުވަނަ ލަނޑު 60 ވަނަ މިނިޓުގައި ރޮބަޓް ލެވަންޑޯސްކީ ޖެހުމާއެކު، ބާސެލޯނާއިން މި މެޗު ނިންމާލީ 4-0 ގެ ބޮޑު ނަތީޖާއަކުންނެވެ.