ބޭރު ޤައުމުތަކުގެ މީހުންގެ މެދުގައި ރާއްޖޭގެ މަޤްބޫލުކަން އިތުރުކުރުމަށް، ވިޒިޓް މޯލްޑިވްސްގެ ގްލޯބަލް ބްރޭންޑް އެމްބެސެޑަރަކަށް މަޝްހޫރު ކުޅިވަރު ނޫސްވެރިޔާ ފަބްރީޒިއޯ ރޮމާނޯ ހަމަޖައްސައިފިއެވެ.

މި މަޤާމަށް ފަބްރީޒިއޯ ހަމަޖެއްސުމާ ގުޅިގެން، ރާއްޖެއަކީ ވަރަށް ރީތި ތަނެއްކަމަށާއި، ބިޒީ ޝެޑިއުލްއިން މީހާއަށް ހަމަޖެހުން ލިބޭނެ މަންޒިލެއްކަމަށް އޭނާ ބުނެފައިވެއެވެ.

Ad by Hajj Corporation

ފަބްރީޒިއޯ އިތުރަށް ފާހަގަކޮށްފައިވަނީ ރާއްޖޭގައި ތަޖުރިބާކުރަން އޮތީ ހަމައެކަނި މޫދާއި ގޮނޑުދޮށްތައް ނޫންކަމަށާއި، ރާއްޖެއަކީ އެއަށްވުރެ ގިނަ ކަންތައްތައް ތަޖުރިބާ ކޮށްލެވޭނެ މަންޒިލެއްކަމަށެވެ. އަދި ވިޒިޓް މޯލްޑިވްސްގެ ގްލޯބަލް ބްރޭންޑް އެމްބެސެޑަރެއްގެ ގޮތުގައި މަސައްކަތްކުރުމަށް އޭނާ ހުރީ ކެތްމަދުވެފައިކަމަށްވެސް ބުނެފައިވެއެވެ.

ފަބްރީޒިއޯއަކީ މީގެ ކުރިންވެސް އެކި ފަހަރު މަތިން ރާއްޖެއަށް ޒިޔާރަތްކޮށްފައިވާ ނޫސްވެރިއެކެވެ. 2022 ވަނަ އަހަރުގެ ޑިސެމްބަރު މަހު ޗުއްޓީއަކަށް ރާއްޖެ އައިސް، ދިވެހި ނޫސްވެރިންނަށް ދިން އިންޓަވިއުއެއްގައި އޭނާވަނީ ރާއްޖެއަކީ ވަރަށް ލޯބިވާ ގައުމެއް ކަމަށާއި ރާއްޖޭގައި ހޭދަކުރާ ވަގުތު އަބަދުވެސް ޚާއްސަ ކަމަށް ބުނެފައެވެ.

2022 ވަނަ އަހަރު ގްލޯބް ސޮކާ އެވޯޑްސްގައި 'ބެސްޓް ފުޓްބޯލް ޖާނަލިސްޓް'ގެ އެވޯޑް ހާސިލުކޮށްފައިވާ ފަބްރީޒިއޯއަކީ ޓްރާންސްފާ މާކެޓުގެ ޚަބަރުތައް ފަދަ މައުލޫމާތު ހިއްސާކުރާ އެންމެ އިތުބާރުހިފޭ ނޫސްވެރިންގެ ތެރެއިން އެކަކު ކަމަށް ގިނަ ބަޔަކު ގަބޫލުކުރެއެވެ.