ހޭންޑްބޯލް އެސޯސިއޭޝަން ގެ އަހަރީ އާންމު ޖަލްސާ ފަސްކޮށްފިއެވެ.

މީގެކުރިން ހޭންޑްބޯލް އެސޯސިއޭޝަނުގެ ހިންގާ ކޮމިޓީގެ 2025 ވަނަ އަހަރުގެ ފުރަތަމަ ބައްދަލުވުމުގައި އަހަރީ އާންމު ޖަލްސާ ބޭއްވުމަށް ނިންމީ 8 މާރޗްގައެވެ.

Ad by Hajj Corporation

ނަމަވެސް އިއްޔެ ކުރި އިއުލާނެއްގައި އެ އެސޯސިއޭޝަނުން ބުނީ ޖަލްސާ ފަސްކުރެވިފައިވާކަމަށާއި ޖަލްސާ ބާއްވާނެ ފަހުގެ ތާރީޚަކާއި އަދި ޖަލްސާ ބާއްވާނެ ތަނާއި ޖަލްސާގެ އެޖެންޑާ އެންމެހައި މެންބަރުންނާއި ހިއްސާކުރާނެކަމަށެވެ. މި ޖަލްސާ ފަސްކުރި ސަބަބެއް އެ އެސޯސިއޭޝަނުން ހާމަކޮށްފައެއް ނުވެއެވެ.

ހޭންޑްބޯލް މޯލްޑިވްސްގެ އަސާސީ ގަވާއިދުގެ ދަށުން އެ އެސޯސިއޭޝަނުން ވަނީ ރެފްރީސް ކޮމިޝަން އެކުލަވާލައިފައެވެ. މި ކޮމިޝަނުގައި ހިމެނެނީ އަބްދުﷲ ސަމީހާއި މުހައްމަދު ޝަނީފާއި އަހުމަދު ޝިހާމްގެ އިތުރުން ޝާމިން އިބްރާހީމެވެ.