ރާއްޖޭގެ އެކި ހިސާބަށް ވިއްސާރަ ކުރުމާއެކު ގުގުރާނެ ކަމަށާއި މެދު ރާއްޖެތެރެއާ އުތުރުގެ ބައެެއް ރަށްތަކަށް ބޯކޮށް ވާރޭ ވެހުން އެކަށީގެންވާ ކަމަަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ވިދާޅުވެއްޖެއެވެ.

މިރޭގެ މޫސުން ކުރިއަަށް ލަފާކޮށް މެޓް އިން ވިދާޅުވީ މެދު ރާއްޖެތެރެއާއި އުތުރުގެ އަތޮޅުތަކަަށް އިރުއުތުރާއި އިރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަަަށެވެ. އަދި ދެކުނުގެ އަތޮޅުތަކަށް އުތުރާއި އިރުއުތުރުން ގަޑިއަަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިިޖެހޭނެ ކަމަަށްވެސް މެޓް އިން ވިދާޅުވިއެވެ.

Ad by Hajj Corporation

މެޓް އިން މިއަދު ވަނީ ރާއްޖޭ ސަރަހައްދުގައި ކޮޅިގަނޑެއް އުފެދިފައިވާ ކަމަށާއި އެހެން ކަމުން ކުރިއަށް އޮތް 2 ދުވަހު ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށް ލަފާ ކޮށްފައެވެ.

އަދި އާންމުކޮށް ހުރިހާ ފަރާތްތަކުންވެސް މޫސުމަަަށް ސަމާލުވުމަށްވެސް މެޓް އިން އަންގާފައި ވެއެވެ.