މޫސުން ގޯސްވާނެ ކަމަށް ލަފާކޮށް އުތުރުގެ އަތޮޅުތަކަށް މޫސުމާ ބެހޭ ޤައުމީ އިދާރާއިން ވައިޓް އެލާރޓް ނެރެފިއެވެ.

ވައިޓް އެލާރޓް ނެރެފައިވަނީ ހއ.އަތޮޅުން ފެށިގެން ޅ.އަތޮޅާ ހަމައަށެވެ. މިއެލަރޓް ނެރެފައިވަނީ މިރޭގެ 20:00 އާ ހަމައަށެވެ. ވިލާގަނޑުގައި 40 މޭލަށް ވައިގަދަވާނެ ކަމަށް ލަފާކުރެވޭތީ ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށް ވަނީ އިލްތިމާޞްކޮށްފައެވެ.

ރާއްޖޭގެ އުތުރަށް މޫސުން ގޯސް ނަމަވެސް މެދުރާއްޖެ ތެރެއާއި ދެކުނުގެ އަތޮޅުތަކަށް މޫސުން ރަނގަޅުވާނެ ކަމަށްވެސް މެޓް އޮފީހުން ވަނީ ބުނެފައެވެ. އެގޮތުން، އާއްމުގޮތެއްގައި ވައި ޖެހޭނީ 3 މޭލާ 13 މޭލާ ދެމެދުގެ ބާރުމިނުގައެވެ. ކަނޑުތައްވެސް އާދައިގެވަރަކަށް މަޑުވާނެ ކަމަށް މެޓުން މަޢުލޫމާތު ދެއެވެ.