މާލޭ ސިޓީގެ ކުރީގެ ޑެޕިއުޓީ މޭޔަރު އަދި މާފަންނު މެދު ދާއިރާގެ ކައުންސިލަރު އަޙްމަދު ނަރީޝް، މިނިސްޓަރު ފެންވަރުގެ މަޤާމަކަށް ޔޫތު މިނިސްޓްރީއަށް އައްޔަނުކުރައްވައިފިއެވެ.

އަޙްމަދު ނަރީޝް އައްޔަނުކުރައްވާފައިވަނީ ޔޫތު މިނިސްޓަރު އިބްރާހިމް ވަޙީދު (އަސްވާޑު) ގެ ލަފާދޭ ފަރާތެއްގެ މަޤާމަށެވެ. މި މަޤާމަށް ނަރީޝް އައްޔަނުކުރެއްވީ މިދިޔަ ބުރާސްފަތި ދުވަހު އެވެ.

Ad by Hajj Corporation

އިސްތިއުފާދެއްވިކަން ހާމަކުރަށްވައި އޭނާ ވިދާޅުވެފައި ވަނީ އިސްތިއުފާ ދެއްވީ ގައުމާއި ރައްޔިތުންނަށް އެހެން ހައިސިއްޔަތަކުން ހިދުމަތްކުރަން ފުރުސަތު ލިބުމާއި ގުޅިގެން ކަމަށެވެ.

ނަރީޝް މާލޭގެ ޑެޕިއުޓީ މޭޔަރުކަމާއި މާފަންނު މެދު ދާއިރާގެ ކައުންސިލަރުކަމުން އިސްތިޢުފާ ދެއްވާފައިވަނީ މިދިޔަ ބުދަ ދުވަހުއެވެ.

ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ޓިކެޓުގައި ނަރީޝް ކައުންސިލަށް އިންތިޚާބުވެވަޑައިގަތީ 2021 ވަނަ އަހަރުގެ ޖޫން މަހުގެ 21 ވަނަ ދުވަހުއެވެ.