logoEN
ކުޅިވަރު

ސީވީސީ މައްސަލައިގައި ލަލީގާއާއި ދެކޮޅަށްކުރި ދަޢުވާ ރެއާލް މެޑްރިޑުން ކާމިޔާބުކޮށްފި

ރެއާލް މެޑްރިޑުން ވަނީ ކޯޓުގައި ލަލީގާއާއި ދެކޮޅަށް ކުރި ދަޢުވާ ކާމިޔާބުކޮށްފައި.

ރެއާލް މެޑްރިޑުން ވަނީ ކޯޓުގައި ލަލީގާއާއި ދެކޮޅަށް ކުރި ދަޢުވާ ކާމިޔާބުކޮށްފައި.

އަބްދުﷲ ޣާނިމްއަބްދުﷲ ޣާނިމް

20 މާރިޗު 2025 - 03:38

2021 ވަނަ އަހަރު ލަލީގާއިން ސީވީސީއާއެކު ވެފައިވާ އެއްބަސްވުމާ ގުޅިގެން ރިއަލް މެޑްރިޑުން ކޯޓަށް ހުށަހެޅި މައްސަލަ އެ ކުލަބުން ކާމިޔާބުކޮށްފިއެވެ. އެތްލެޓިކް ކުލަބާއެކު ރިއަލް މެޑްރިޑުން މި އެއްބަސްވުމަށް ދެކޮޅު ހަދައި ކޯޓަށް ގޮސްފައިވަނީ އެއީ އިންސާފުވެރި އެއްބަސްވުމެއް ނޫން ކަމަށް ބުނެއެވެ.

މެޑްރިޑް ޕްރޮވިންޝަލް ކޯޓުން ނިންމާފައިވަނީ އެޖެންޑާއަށް ގެނެވުނު މުހިންމު ބަދަލުތަކާ ގުޅޭ މަޢުލޫމާތު ހޯދުމުގެ ހައްގަށް އަރައިގަނެފައިވާ ކަމަށެވެ. ނަމަވެސް ލަލީގާއިން ބުނެފައިވަނީ މި ނިންމުމުގެ ސަބަބުން 2021 ގެ ޑިސެމްބަރު 10 ގައި ރަސްމީކޮށް ފާސްކުރެވުނު ސީވީސީ އެއްބަސްވުމަށް އެއްވެސް އަސަރެއް ނުކުރާނެ ކަމަށެވެ.

ލާ ލީގާއިން ނެރުނު ބަޔާނުގައި ބުނެފައިވަނީ ކޯޓުން އެކްސްޓްރާއޯޑިނަރީ ޖެނެރަލް އެސެމްބްލީގެ ގާނޫނީ ހައިސިއްޔަތު ދަމަހައްޓާފައިވާ ކަމަށާއި، ކުލަބުތަކަށް ދެވުނު މަޢުލޫމާތު ފުރިހަމަ ކަމަށް ކަނޑައަޅާފައިވާ ކަމަށެވެ. އެހެންނަމަވެސް، 2021 ގެ އޯގަސްޓު 12 ގައި ދެވުނު ފުރަތަމަ ހުއްދަ ބާތިލުކުރެވިފައިވަނީ އެއްބަސްވުމުގައި ބައިވެރިނުވާ ކުލަބުތަކާއި އެސްއޭޑީތަކާ ގުޅޭ އެޖެންޑާގެ ބަދަލުތައް އެކަށީގެންވާ ގޮތަށް ދިރާސާ ނުކުރެވި ހުރުމުގެ ސަބަބުންނެވެ.

ގާތްގަނޑަކަށް 2 ބިލިއަން ޔޫރޯގެ މި އެއްބަސްވުމުގެ ދަށުން، ކުރިއަށް އޮތް 50 އަހަރު ލާ ލީގާގެ އާމްދަނީގެ 8.2 އިންސައްތަ ސީވީސީއަށް ލިބޭގޮތަށް ހަމަޖެހިފައިވާއިރު، ބަދަލުގައި ލަލީގާގެ ކުލަބުތަކަށް ވަގުތުން 2.1 ބިލިޔަން ޔޫރޯގެ މާލީ އެހީތެރިކަން ދިނުމަށް ވަނީ ނިންމާފައެވެ. މިކަން ލަލީގާއިން ކޮށްފައިވަނީ ޔޫރަޕުގެ އެހެން ލީގުތަކާއި ވާދަކުރުމަށް ފައިސާގެ އެހީތެރިކަން މިހާރުން މިހާރަށް ހޯދުމުގެ ބޭނުމުގައެވެ. ނަމަވެސް ރެއާލް މެޑްރިޑުން ޤަބޫލުކުރާގޮތުގައި ދުރު މުސްތަޤުބަލަކަށް މިއީ ވަރަށް ގެއްލުންދެނިވި މުއާމަލާތެކެވެ. މިމުއާމަލާތާއި ގުޅިގެން އެންމެ ބޮޑު އަދަދެއް ލިބޭނެކަމަށް ބެލެވޭ ރެއާލް މެޑްރިޑްއަަށް ލިބޭނެ މާލީ އެހީއަކީ ގާތްގަނޑަކަށް 261 މިލިޔަން ޔޫރޯއެވެ. ރެއާލް އިން ޤަބޫލުކުރަނީ 50 އަހަރަށް ބަލާއިރު މިއީ ވަރަށް ބޮޑު ގެއްލުމެއް ވެދާނެ ނިންމުމެއް ކަމަށެވެ.

ލަ ލީގާއިން ވަނީ މި ނިންމުމާމެދު ސުޕްރީމް ކޯޓުގައި އިސްތިއުނާފު ކުރާނެ ކަމަށް ބުނެފައެވެ.

ކޮމެންޓް

871x217_placeholder