ލިވަރޕޫލްގެ ޑިފެންސިވް ލައިންއަށް އަނެއްކާވެސް އަނިޔާގެ މައްސަލަތައް ކުރިމަތިވެއްޖެއެވެ. ރޭގައި ފްރާންސްގެ ޤައުމީ ޓީމާއެކު ނޭޝަންސް ލީގުގެ ކުއަރޓަރ ފައިނަލްގެ ފުރަތަމަ ލެގުގައި ކުޅުނު މެޗުގައި އިބްރަހިމް ކޮނަޓޭ އަށް އަނިޔާވެގެން ބަދަލުކުރަން ޖެހުނެވެ.

ކްރޮއޭޝިއާއާ ދެކޮޅަށް ކުޅުނު މެޗުގެ ފުރަތަމަ ހާފް ނިމުމާއެކު ކޮނަޓޭގެ ބަދަލުގައި ބެޔަން މިއުނިކްގެ ޑޭޔޯޓް އުޕަމެކާނޯ ކުޅެން ނެރުނެވެ. ކޮނާޓޭ އަށް އަނިޔާގެ މައްސަލަ ކުރިމަތިމިވީ މިދިޔަ ހަފްތާގައި ޕީއެސްޖީ އާއި ދެކޮޅަށް ކުޅުނު ޗެމްޕިއަންސް ލީގު މެޗުގައިވެސް އޭނާއަށް އަނިޔާވެ މީގެ ދެތިން ދުވަސްކުރިން ކުޅުމުގެ ތެރެއަށް އެނބުރި އައިތަނާ އެވެ.

ލިވަރޕޫލްގެ ޑިފެންޑަރ ޓްރެންޓް އެލެކްސެންޑަރ-އާނޯލްޑްވެސް މިވަގުތު ހުރީ އަނިޔާގައެވެ. ނަމަވެސް ސީޒަން ނިމުމުގެ ކުރިން އޭނާ އެނބުރި އަންނާނެ ކަމަށް އުއްމީދުކުރެވެއެވެ. މީގެ އިތުރުން ޑިފެންޑަރުންކަމަށްވާ ޖޯ ގޮމެޒް، ކޮނަރ ބްރެޑްލީ އަދި ޓައިލަރ މޯޓަން ވެސް ވަނީ އަނިޔާގެ ސަބަބުން ކުޅުމާއި ދުރުގައެވެ.

މީގެެއިތުރުން ލިވަރޕޫލ؛ްގެ މިޑްފީލްޑަރ ރަޔަން ގްރެވެންބާޗް ވެސް ވަނީ ފިޓްނެސްގެ މައްސަލަތަކާ ހުރެ ނެދަލޭންޑްސްގެ ގައުމީ ޓީމުން އިއްޔެ ވަނީ ބާކީކޮށްފައެވެ.