logoEN
ޚަބަރު

ޑްރަގާއެކު މާލެއިން ތިން މީހަކު ހައްޔަރުކޮށްފި

މުހައްމަދު މޫސާމުހައްމަދު މޫސާ

22 މާރިޗު 2025 - 01:29

މަސްތުވާތަކެއްޗާ އެކު މާލެއިން ތިން މީހަކު އިއްޔެ ހައްޔަރުކޮށްފިއެވެ.

ފުލުހުން މައުލޫމާތު ދިން ގޮތުގައި މި މައްސަލާގައި ހައްޔަރުކޮށްފައިވާ މީހުންނަކީ ސ. މަރަދޫފޭދޫ، ނަސީމީގޭ، މުޙައްމަދު ޝާނީޒް (46އ) އާއި މ. ސައިރިއަސް، މުޙައްމަދު ޠިބާޤް (39އ)އާއި ވ. ރަކީދޫ، ޖަންބުގެ، ފަރީދާ ޢަބްދުއްރަޙްމާން (35އ) އެވެ.

މި ތިން މީހުން ހައްޔަރުކޮށްފައި ވަނީ ފުލުހުންގެ ކައުންޓަރ ނާކޮޓިކްސް އިންޓެލިޖެންސް އާއި ޑްރަގް އެންފޯސްމަންޓް ޑިޕާޓްމަންޓް ގުޅިގެން ހިންގި ޚާއްޞަ އޮޕަރޭޝަނެއްގައެވެ.

ފުލުހުންގެ ބުނިގޮތުގައި މި އޮޕަރޭޝަންގެ ދަށުން މާފަންނު ސަރަޙައްދުގެ ގެއެއް ބަލައި ފާސްކޮށްފަވެއެވެ.އަދި މި ބަލައި ފާސްކުރުމުގައި ވަގުތީ ބަރުދަނުގައި 1.5 ކިލޯގެ މަސްތުވާތަކެތި ކަމަށް ބެލެވޭ އެއްޗެހި ފެނިފައިވެއެވެ.

މި މައްސަލައިގައި ހައްޔަރުކުރެވުނު މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން، ކޯޓުން ނިންމީ މުޙައްމަދު ޠިބާޤް އާއި ފަރީދާ ޢަބްދުއްރަޙްމާން 15 ދުވަހަށް ބަންދުކުރުމަށެވެ. އަދި މުޙައްމަދު ޝާނީޒް 5 ދުވަހަށް ބަންދުކުރުމަށެވެ.

މި މައްސަލަ ތަޙްޤީޤު ކުރަމުން ގެންދާ ކަމަށް ފުލުހުން ބުންޏެވެ.

މަސްތުވާތަކެތީގެ މައްސަލައަކީ ދިވެހިރާއްޖޭގައި ދިމާވެފައިވާ އެންމެ ބޮޑު އިޖްތިމާޢީ މައްސަލަ އެވެ.

ކޮމެންޓް

871x217_placeholder