ނާޖާއިޒު މަންފާ ހޯދި މައްސަލަ: ހައްޔަރު ކުރި މީހުންގެ ވަނަވަރު އާންމުކޮށްފި


24 މާރިޗު 2025 - 01:21
ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދި މައްސަލައިގައި ހައްޔަރުކުރެވުނު ފަރާތްތަކުގެ މަޢުލޫމާތު މޯލްޑިވްސް ޕޮލިސް ސަރވިސްއިން ރޭ އާންމުކޮށްފިއެވެ.
މި މައްސަލައިގައި މިހާތަނަށް 5 މީހަކު ހައްޔަރުކޮށްފައިވާކަމަށް ފުލުހުން މަޢުލޫމާތު ދެއްވާފައިވެއެވެ. އޭގެ ތެރޭގައި ކުރީގެ އިމިގްރޭޝަން ކޮންޓްރޯލަރު މުޙައްމަދު ޝަމްޢާން ވަޙީދުވެސް ހިމެނެއެވެ.
ފުލުހުން ދެއްވި މަޢުލޫމާތުގައިވާ ގޮތުން، މި މަހުގެ 20 ވަނަ ދުވަހުގެ ރޭ ހައްޔަރުކުރެވުނު ފަރާތްތަކަކީ:
1. ތ. ބުރުނީ މޫނިމާގޭ މުޙައްމަދު އަލްސަން އިސްމާޢީލް (21 އަހަރު)
2. ގ. ހެޕީ ސައިޑް އިބްރާހީމް އަޙްމަދު (37 އަހަރު)
3. ގ. ހެޕީ ސައިޑް ޙަސަން ސަހެޝާން (47 އަހަރު)
މީގެ އިތުރުން، 21 ވަނަ ދުވަހުގެ ރޭ ހައްޔަރުކުރެވުނީ ކުރީގެ އިމިގްރޭޝަން ކޮންޓްރޯލަރު، ގ. ލިޓޯނިޔާ މުޙައްމަދު ޝަމްޢާން ވަޙީދު (36 އަހަރު) އެވެ. އަދި މިއަދު ކޯޓު އަމުރެއްގެ ދަށުން މ. ހަޒާރީވިލާ އަޙްމަދު ލައްސާން (40 އަހަރު) ވަނީ ހައްޔަރުކޮށްފައެވެ.
މި މައްސަލައާ ގުޅޭގޮތުން ފުލުހުން ހުކުރު ދުވަހު ނެރުނު ބަޔާނުގައި ބުނެފައިވަނީ، މޯލްޑިވްސް އިމިގްރޭޝަންގެ ބައެއް މުވައްޒަފުން މަޤާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދަމުންދާ ކަމަށް ލިބިފައިވާ މަޢުލޫމާތާ ގުޅިގެން ތަޙްޤީޤެއް ކުރިއަށްދާ ކަމަށެވެ.
ތަޙްޤީޤުގައި މިހާތަނަށް ފާހަގަކުރެވިފައިވާ ކަންތައްތަކުގެ ތެރޭގައި، އިމިގްރޭޝަންގެ ބައެއް މުވައްޒަފުން މަޤާމުގެ ނުފޫޒު ނަހަމަ ގޮތުގައި ބޭނުންކޮށްގެން ބިދޭސީން ދިރިއުޅޭ ގެއެއް ބަލައި ފާސްކޮށް، ގިނަ އަދަދެއްގެ ނަގުދު ފައިސާއާއެކު ބިދޭސީން ގެންގޮސްފައިވާ ކަމަށްށް ފުލުހުން ބުނެފައިވެއެވެ.
އަދި އޭގެ އެއް ދުވަސް ފަހުން، އޭރުގެ ކޮންޓްރޯލަރ ޖެނެރަލް އޮފް އިމިގްރޭޝަންގެ އަމުރަށް 530,000 ދިވެހި ރުފިޔާއާއެކު އިމިގްރޭޝަނުގެ ޑިޓެންޝަނަށް ގެންދެވުނު ބިދޭސީއަކު ދަންވަރުގެ ވަގުތެއްގައި ދޫކޮށްލާފައިވާކަންވެސް ތަޙްޤީޤަށް އެނގިފައިވާ ކަމަށް ފުލުހުން ހާމަކޮށްފައިވެއެވެ.
އިތުރު ލިޔުންތައް

ބުޅާ މެރި ކަމަށް ތުހުމަތު ކުރެވޭ މީހާ އިމިގްރޭޝަނާ ހަވާލުކޮށްފި
7 މަސް ކުރިން.jpg&w=3840&q=75)
ރިއޮލަޮ އޮފީހުން ވައްކަންކުރި މައްސަލައެއްގައި ދެމީހަކު ހައްޔަރުކޮށްފި
7 މަސް ކުރިން
މާލީ ބަގާވާތެއް ކުރަން އުޅުނު ކަމަށް ތުހުމަތުކޮށް ފުލުހުން މައްސަލަ ތަހުގީގުކުރަނީ
7 މަސް ކުރިން