ބާސެލޯނާ އަދި ބްރެޒިލްގެ ކުޅުންތެރިޔާ ރަފީނިޔާ އާޖެންޓީނާއާ ދެކޮޅަށް ކުޅޭނެ މެޗާ ދިމާކޮށް ހަރުކަށި އިންޒާރެއް ދީފިއެވެ. މި އިންޒާރު އައިސްފައިވަނީ 2026 ވަނަ އަހަރުގެ ވޯލްޑް ކަޕްގެ ކޮލިފައިން މެޗެއްގައި އާޖެންޓީނާއާ ދެކޮޅަށް ބްރެޒިލް ކުޅޭނެ މެޗާ ދިމާކޮށެވެ. މިމެޗަށް މިދެޓީމު މާދަމާ ރޭގައި ނިކުންނައިރު ކޮލިފިކޭޝަން ތާވަުގެ އެއްވަނައިގައި އާޖެންޓީނާ މިވަގުތު އޮތްއިރު، ބްރެޒިލް އޮތީ ތިންވަނައިގައެވެ. އަދި ބްރެޒިލް އަށް އެންމެ ފަހުން އާޖެންޓީނާ ބަލިކުރެވިފައިވަނީ 2019 ވަނަ އަހަރުގައެވެ.

ބްރެޒިލްގެ ކުރީގެ ތަރި ރޮމާރިއޯއާއެކު ކުރި ސުވާލު ޖަވާބުދެމުން ރަފީނިޔާ ބުނެފައިވަނީ މެސީ ނެތް އާޖެންޓީނާއާ ދެކޮޅަށް ކުޅޭ މެޗުގައި އެޓީމު ބަލިކުރާނެ ކަމަށާއި އަދި އޭނާ ވަނީ މި މެޗުގައި ގޯލެއް ޖަހާނެ ކަމުގެ ޔަގީންކަން ވެސް ދީފައިވެއެވެ. އަދި ދަނޑުމަތިންނާއި ދަނޑު ބޭރުންވެސް އެމީހުން ބަލިކުރާނެކަމަށް ބުނެފައިވެއެވެ.ފާހަގަކޮށްލެވޭ ގޮތުގައި ބްރެޒިލް އާއި އާޖެންޓީނާގެ ފުޓްބޯޅައިގެ ވާދަވެރިކަމަކީ އެންމެ ކުރިންފެށިގެންވެސް ދުނިޔޭގެ އެންމެ ވަރުގަދަ ވާދަވެރިކަމެވެ.

މިއީ ބްރެޒިލް ވަރަށް މުހިންމު މެޗަކަށް ތައްޔާރުވަމުންދާ ދަނޑިވަޅެކެވެ. ފާއިތުވި ހަފްތާގައި ކޮލަމްބިއާއާ ދެކޮޅަށް ކުޅުނު މެޗުން 2-1 އިން މޮޅުވެފައިވާ ބްރެޒިލް، އާޖެންޓީނާއާ ދެކޮޅަށް ކުޅޭ މެޗަށް ވަރަށް ބޮޑަށް ތައްޔާރުވަމުން އެބަދެއެވެ.

ރަފީނިޔާ މި މެޗާ ދިމާކޮށް ދީފައިވާ ބަޔާނަކީ ދެ ގައުމުގެ ވާދަވެރިކަން އިތުރަށް ހޫނުކޮށްލާނެ ބަޔާނެއް ކަމަށް ބެލެވެއެވެ. އާޖެންޓީނާގެ ބިއުނަސް އައިރެސްގައި ކުޅޭ މި މެޗަކީ ދެ ޓީމަށް ވެސް ވަރަށް މުހިންމު މެޗެކެވެ.