logoEN
ކުޅިވަރު

ޕީ.އެސް.ޖީގެ ރައީސް ނާސަރު އަލް-ޚެލައިފީ ފީފާގެ ރައީސްކަމަށް ކުރިމަތިލަނީ

ޕީ.އެސް.ޖީގެ ރައީސް ނާސަރު އަލް-ޚެލައިފީ

ޕީ.އެސް.ޖީގެ ރައީސް ނާސަރު އަލް-ޚެލައިފީ

އަބްދުﷲ ޣާނިމްއަބްދުﷲ ޣާނިމް

28 މާރިޗު 2025 - 05:19

ޕެރިސް ސެއިންޓް-ޖަރމަން (ޕީ.އެސް.ޖީ)، ބީއިން ގްރޫޕް އަދި ޔޫރަޕިއަން ކްލަބްތަކުގެ އެސޯސިއޭޝަން (އީ.ސީ.އޭ)ގެ ރައީސް ނާސަރު އަލް-ޚެލައިފީ މުސްތަގުބަލުގައި ފީފާގެ ރައީސްކަމަށް ކުރިމަތިލައިފާނެ ކަމަށް ލަފާކުރެވޭ ކަމަށް ރިޕޯޓުތަކުން ދައްކައިފިއެވެ.

މި މައުލޫމާތު ހާމަކޮށްފައިވަނީ ގަތަރުގެ މި ވިޔަފާރިވެރިޔާއާ ބެހޭ ޑޮކިއުމެންޓްރީއެއް ތައްޔާރުކުރި ފެބިއަން ޓުއާޓީއެވެ. "ގަތަރުގެ ގިނަ ފަރާތްތަކަކުން އަދި އޭނާގެ ކުރީގެ އަދި މިހާރުގެ ގާތް އެކުވެރިން މިކަމާ ބެހޭ ގޮތުން ވާހަކަދައްކާފައިވޭ،" ޓުއާޓީ ބުނެފައިވެއެވެ.

ޕީ.އެސް.ޖީގެ ދަށުން 10 ފްރެންޗް ލީގު ތަށި ހޯދާފައިވާ އަލް-ޚެލައިފީއަކީ 2021 ވަނަ އަހަރު ސުޕަރ ލީގު މަޝްރޫއު ނާކާމިޔާބުވުމަށްފަހު ޔޫރަޕިއަން ފުޓްބޯޅައިގެ އެންމެ ނުފޫޒުގަދަ އެއް ލީޑަރަށް ވެފައިވާ ފަރާތެކެވެ. "އީ.ސީ.އޭގެ ބައްދަލުވުމެއްގައި އަހަރެން ބައިވެރިވިއިރު، އެހެން ލީޑަރުންގެ މެދުގައި އޭނާގެ ހައިބަތު ވަރަށް ބޮޑު. އޭނާއަކީ ހަގީގަތުގައިވެސް އެ ޝޯގެ ސްޓާރު،" ޓުއާޓީ ބުނެފައިވެއެވެ.

މިވަގުތު ފީފާގެ ރައީސްކަމުގައި ހުންނެވި ޖިއާނީ އިންފެންޓީނޯ ދެވަނަ ދައުރެއް ފުރަމުންދާއިރު، އަލް-ޚެލައިފީގެ ނުފޫޒު އިތުރުވަމުން އައުމާއެކު، މުސްތަގުބަލުގައި ދުނިޔޭގެ ފުޓްބޯޅައިގެ އެންމެ މަތީ މަގާމަށް އަރައިފާނެ ކަމަށް ލަފާކުރެވެއެވެ. ނަމަވެސް އަލް-ޚެލައިފީ މިހާތަނަށް މިކަމާ ގުޅޭގޮތުން އާންމުކޮށް އެއްވެސް ވާހަކައެއް ދައްކާފައެއް ނުވެއެވެ.ފީފާއިން އެންމެ އަވަހަށްވެސް އިންތިޚާބެއް ބާއްވާނީ 2027 ވަނަ އަހަރުގައެވެ.

ކޮމެންޓް

871x217_placeholder