ފީފާއިން ކޮވާ މިދިޔަ އަހަރުގެ އެންމެ މޮޅުކުޅުންތެރިންނަށް ވާދަކުރާ ކުޅުންތެރިންގެ ލިސްޓުގައި އާރޖެންޓީނާގެ ލައުޓާރޯ މާޓީނޭޒް ނެތުމުން އޭނާގެ ކުލަބް އިންޓަރ ގެ ރައީސް ރުޅިގަދަވެއްޖެއެވެ.

"އަހަރެން ވަރަށް ހައިރާންވެއްޖެ ލައުޓާރޯ ނިމިދިޔަ ސީޒަނުގެ މޮޅުކުޚުންތެރޭގައި ލައުޓާރޯ ނެތުމުން. އޭނާއަކީ ނިމިދިޔަ ސީޒަނުގެ އެންމެމޮޅު އެއް ކުޅުންތެރިޔާ" އިންޓަރގެ ރައީސް މީޑިޔާއަށް ދިން އިންޓަރވިއުއެއްގައި ބުނެފައިވެއެވެ. އަދި މީގެ އިތުރުން އޭނާ ބުނެފައިވަނީ " ލައުޓާރޯ އަކީ ނިމިދިޔަ ސީޒަނުގެ ސެރީ އޭ ގެ އެންމެ މޮޅުކުޅުންތެރިޔާ، އެންމެ ގިނަ ގޯލްޖެހި ކުޅުންތެރިޔާ އަދި ކޮޕާ އެމެރިކާގެ އެންމެ ގިނަ ގޯލު ޖެހި ކުޅުންތެރިޔާ، އެހެންވީމާ ފީފާއިން ހޮވާ ނޮމިނޭޝަންގައި އޭނާގެ ނަން ނެތުމަކީ އޭނާއަށް އިހުރިމާކުޑަކުރުން" ކަމަށެވެ.

ލައުޓާރޯ މާޓީނޭޒް އަކީ ނިމިދިޔަ ސީޒަނުގައި އިޓާލިއަން ސެރީ އޭ އެންމެ ގިނަ ގޯލުޖަހާ، މުބާރާތުގެ މޮޅުކުޅުންތެރިޔާގެ މަޤާމު ހޯދާ އިންޓަރ އަށް ލީގު ތަށި ނަގައިދިނުމުގައި މުހިންމު ދައުރެއް އަދާކޮށްދީފައެވެ. އަދި މީގެ އިތުރުން އޭނާ ވަނީ ނިމިދިޔަ ސީޒަންގައި ކޮޕާ އެމެރިކާގެ އެންމެ ގިނަ ގޯލުޖެހި ކުޅުންތެރިޔާގެ މަޤާމާއެކު މުބާރާތުގެ ތަށި ނަގާފައެވެ. އެހެންކަމުން ފީފާގެ މޮޅުކުޅުންތެރިންގެ ލިސްޓުގައި ލައުޓާރޯގެ ނަން ނެތުމުން ގިނަބަޔަކަށްވަނީ ހައިރާންކަން ލިބިފައެވެ.