މި އަހަރަކީ އެންމެ ގިނައިން ފިތުރު ޒަކާތް ލިބުނު އަހަރުކަން މޯލްޑިވްސް ޒަކާތު ހައުސްގެ ތަފާސްހިސާބުތަކުން ދަައްކައިފިއެވެ.

ޒަކާތު ހައުސް އިން އާއްމުކޮށްފައިވާ ތަފާސްހިސާބުތަކަށް ބަލާއިރު މި އަހަރު ފިތުރު ޒަކާތުގެ ގޮތުގައި 13 މިލިއަން ރުފިޔާ ލިބުނުއިރު، މިދިޔަ އަހަރު ލިބިފައި ވަނީ 12 މިލިއަން ރުފިޔާއެެވެ. އަދި 2023 ވަނަ އަހަރު 12 މިލިއަން ރުފިޔާ ލިބުނުއިރު، 2022 ވަނަ އަހަރު ލިބިފައި ވަނީ 11 މިލިއަން ރުފިޔާއެވެ.

Ad by Hajj Corporation

މި އަހަރު ގޮވާމުން ބަލައިގަގަތީ 10،023.6 ކިލޯގެ ތަކެއްޗެވެ. މިދިޔަ އަހަރު ގޮވާމުން 12،959.29 ކިލޯ، އަދި 2023 ވަނަ އަހަރު 12،380.85ކިލޯ 2022ވަނަ އަހަރު 10،092.00 ކިލޯގެ ތަކެތި ބަލައިގަނެފައި ވެއެވެ.

ޒަކާތު ހައުސްގެ ތަފާސްހިސާބުތައް ދައްކާގޮތުން ބީއެމްއެލް މެދުވެރިކޮށް ޒަކާތުގެ ގޮތުގައި 7 މިލިއަނަށް ވުރެ ގިނަ ރުފިޔާ ދައްކާފައިވާއިރު، އެމްއައިބީ މެދުވެރިކޮށް 1.2 މިލިއަނަށް ވުރެ ގިނަ ރުފިޔާ ރުފިޔާ، ދިރާގު މެދުވެރިކޮށް ތިން ލައްކައަށްވުރެ ގިނަ ރުފިޔާ، އުރީދޫ މެދުވެރިކޮށް ލައްކައަށްވުރެ ގިނަ ރުފިޔާ ދައްކާފައި ވެއެވެ. އޭގެ އިތުރުން، ފަހިޕޭ މެދުވެރިކޮށް 9 ލައްކައަށްވުރެ ގިނަ ރުފިޔާ، ބަނޑޭރިޕޭ މެދުވެރިކޮށް 8 ލައްކައަށްވުރެ ގިނަ ރުފިޔާ، ޒަކާތު ހައުސްގެ ކައުންޓަރުން 4 ލައްކައަށްވުރެ ގިނަ ރުފިޔާ އަދި ކައުންސިލްތަކުން 1.8 މިލިއަނަށްވުރެ ގިނަ ރުފިޔާ ދައްކާފައި ވެއެވެ.

ފަޤީރުންގެ ދަފްތަރުފައިވާ ކޮންމެ ފަރުދަކަށް ފިޠުރު ޒަކާތުގެ ގޮތުގައި 4500 ރުފިޔާ ޖަމާކޮށްފައިވާއިރު މި ފައިސާގެ އިތުތުން ފަލަސްޠީނުގެ ޣައްޒާގެ ކުޑަކުދިންގެ ކާބޯތަކެއްޗަށް 500،000 (ފަސް ލައްކަ) ރުފިޔާ ހަދިޔާކުރުމަށް ވެސް ވުޒާރާއިން ވަނީ ނިންމާފައެވެ.

އަދި ގޮވާމުން މާލެ އޭރިއާގެ ކޮންމެ ފަޤީރަކަށް 15 ކިލޯ ބަހާނެއެވެ.