ބާސެލޯނާގެ އެޓޭކިން މިޑްފީލްޑަރު ޑެނީ އޮލްމޯއަށް އަނިޔާވެ، ތިން ހަފްތާއަށް ކުޅުމާ ދުރުގައި ހުންނަން ޖެހިއްޖެއެވެ. މި އަނިޔާވީ ސްޕެނިޝް ލީގުގައި އޮސަސޫނާއާ ދެކޮޅަށް ކުޅުނު މެޗުގައެވެ.

ކުލަބުން މައުލޫމާތު ދީފައިވާ ގޮތުގައި، އަނިޔާވެގެން ބާލަން ޖެހުނު ކުޅުންތެރިންގެ ޓެސްޓުތައް ހެދީ ހުކުރު ދުވަހުއެވެ. ސްކޭންތަކުން ދައްކާ ގޮތުގައި އޮލްމޯގެ ކަނާތު ފައިގެ މަސްގަނޑު އިރައިގެން ގޮސްފައިވެއެވެ. މި އަނިޔާއަކީ ކުލަބަށް ކުރިމަތިވި އިތުރު ގޮންޖެހުމެކެވެ.

މި އަނިޔާގެ ސަބަބުން އޮލްމޯއަށް މުހިންމު މެޗުތަކެއް ގެއްލޭނެއެވެ. އޭގެ ތެރޭގައި ސްޕެނިޝް ލީގުގައި ޖިރޯނާއާ ދެކޮޅަށް ކުޅޭ މެޗާއި، ސްޕެނިޝް ކަޕުގެ ސެމީ ފައިނަލުގައި އެތުލެޓިކޯ މެޑްރިޑާ ދެކޮޅަށް ކުޅޭ މެޗު ހިމެނެއެވެ. އަދި ޗެމްޕިއަންސް ލީގުގައި އޭޕްރީލް 9 ގައި ބޮރޫޝިއާ ޑޯޓްމުންޑާ ދެކޮޅަށް ކުޅެން ޖެހޭ މެޗުވެސް ގެއްލޭނެއެވެ.

އޮލްމޯ އަކީ މި ސީޒަނުގައި ބާސެލޯނާއަށް ބަދަލުވެ، ޓީމަށް އެހީތެރިކަން ފޯރުކޮށްދެމުން އަންނަ ކުޅުންތެރިއެކެވެ. ހާއްސަކޮށް މި ފަހަކަށް އައިސް ޓީމުގެ ފުރަތަމަ އެގާރައިން ޖާގަ ހޯދައި، ލަނޑު ޖެހުމުގައި އެހެން ކުޅުންތެރިންނަށް އެހީތެރިވަމުން އަންނަ ކުޅުންތެރިއެކެވެ.