logoEN
ދުނިޔެ

ޣައްޒާގައި ހިނގަމުންދާ އިންސާނީ ކާރިސާ އިތުރަށް ގޯސް؛ ދުވާލަކު 100 ކުދިން ޝަހީދުކޮށްލާ

ޣައްޒާގައި ހިނގަމުންދާ އިންސާނީ ކާރިސާ އިތުރަށް ގޯސްވަމުންދާއިރު، މިހާރު ދުވާލެއްގެ މައްޗަށް 100 ކުޑަކުދިން ޝަހީދުކޮށްލައެވެ.

ޣައްޒާގައި ހިނގަމުންދާ ހަމަނުޖެހުންތައް ހުއްޓުމަކަށް އަންނާނެ ކަމުގެ އެއްވެސް ނިޝާނެއް ނުފެންނަ އިރު، ޣައްޒާއަށް މިހާރު އަންނަނީ ހީވެސް ނުކުރާވަރުގެ ގެއްލުންތަކެއް ލިބެމުންނެވެ. އިސްރާއީލުން ހަނގުރާމަ ހުއްޓާލުމާ ހިލާފުވި ފަހުން ދުވާލެއްގެ މައްޗަށް ގާތްގަނޑަކަށް 100 ކުއްޖަކު ޝަހީދުކޮށްލައިފައިވާ އިރު، ޔުނިސެފުން ވަނީ އެކަން އަލުން ކުއްވެރިކޮށް ބަޔާނެއް ނެރެފިއެވެ.

މިއާއެކު ފަލަސްތީނުގެ ނޫސްވެރިއެއް ކަމަށްވާ މުހައްމަދު އަލް ބަރްދަވިލްގެ ގެއަށް ރޭގަނޑު ހަމަލާދީ، މުހައްމަދާއި އޭނާގެ އާއިލާއެ މީހުންގެ ތިން ދަރިން ވެސް ވަނީ ޝަހީދުކޮށްލާފައެވެ. 2023 ވަނަ އަހަރުގެ އޮކްޓޯބަރު މަހުން ފެށިގެން އިސްރާއީލުން ޣައްޒާގައި 209 ނޫސްވެރިން ޝަހީދުކޮށްލާފައިވާއިރު، މިއީ މިހާރު ނޫސްވެރިންނަށް ދުނިޔޭގައި އޮތް އެންމެ ނުރައްކާތެރި ސަރަޙައްދެވެ.

ޣައްޒާއަށް އިންސާނީ އެހީދޭ ފަރާތްތައް އިސްރާއީލުން ބްލޮކް ކުރުމުން، ޣައްޒާގެ ސިއްހީ ނިޒާމު ފުނޑުފުނޑުވުމުގެ އައްސޭރިއަށް ވެއްޓި، ކާބޯތަކެއްޗާއި އެހީ ބެހުމުގެ މަސައްކަތް ވެސް ވަނީ ހުއްޓެމުންނެވެ. މިއަދު ވެސް ޣައްޒާގެ ކާބޯތަކެތީގެ ވިޔަފާރިތަށް ބަންދުވެފައި މިވަނީ ފުށް އަދި ޑީސަލްގެ ދަތިކަން ބޮޑުވުމުގެ ސަބަބުންނެވެ.

ކޮމެންޓް

871x217_placeholder