އެލަންގާގެ ގޯލާއެކު ޔުނައިޓެޑް ބަލިކޮށް ނޮޓިންގހަމް ފޮރެސްޓް ތިންވަނައިގައި ހަމަޖެހިލައިފި

މެޗުގެ ތެރެއިން.ފޮޓޯ: ފޮރެސްޓް

02 އޭޕްރީލު 2025 - 06:06
ނޮޓިންގަމް ފޮރެސްޓްގެ ފޯވަޑް އެންތޯނީ އެލަންގާ އޭނާގެ ކުރީގެ ޓީމް މެންޗެސްޓަރ ޔުނައިޓެޑާ ދެކޮޅަށް ޖެހި ލަނޑުން ފޮރެސްޓް ވަނީ 1-0 ކާމިޔާބުކޮށްފިއެވެ.
މެޗުގެ ފަސްވަނަ މިނެޓްގައި އެލަންގާ ޖެހި ލަނޑަކީ ބްރޫނޯ ފަނާންޑޭސް ޖެހި ކޯނަރެއް ކްލިއަރ ކުރުމަށްފަހު، އޭނާގެ އަމިއްލަ ހާފުން ފެށިގެން ދުވެފައި ގޮސް ޔުނައިޓެޑްގެ ޕެނަލްޓީ އޭރިއާ ތެރެއިން ޖެހި ފުރިހަމަ ލަނޑެކެވެ.
މެޗުގައި ޔުނައިޓެޑުން މޮޅަސް ކުޅެ ގިނަ ހަމަލާތަކެއް ފޮނުވާލިނަމަވެސް ފޮރެސްޓުން ވަނީ ވަރަށް ރަނގަޅަށް ޑިފެންސް ކޮށްފައެވެ. މިއީ 2021 ވަނަ އަހަރުގެ ސެޕްޓެމްބަރު މަހު އެސްޓަން ވިލާއާ ދެކޮޅަށް ކުޅުނު މެޗަށްފަހު ޔުނައިޓެޑުން އެއްމެޗެއްގައި އެންމެ ގިނަ ޝޮޓް ނެގި މެޗެވެ. އަދި އެއްވެސް ލަނޑެއް ނުޖެހި އަވޭ މެޗެއްގައި ނެގި އެންމެ ގިނަ ޝޮޓްތަކުގެ ރެކޯޑާވެސް ހަމަވި މެޗެވެ.
މި ސީޒަނުގައި ފޮރެސްޓްގެ ޑިފެންސް ވަރަށް ފުރިހަމައެވެ. މިހާތަނަށް 13 މެޗެއްގައި ފޮރެސްޓުން ވަނީ ކްލީން ޝީޓް ހިފަހައްޓާފައެވެ. މިއީ މި މިސީޒަނުގައި ލީގުގައި އެހެން އެއްވެސް ޓީމަކަށްވުރެ ގިނަ އަދަދެކެވެ.
މި މޮޅާއެކު ފޮރެސްޓް ވަނީ ތާވަލުގެ ތިންވަނަ ހިސާބަށް އަރާފައެވެ. އަދި ހަތަރުވަނައިގައި އޮތް ޗެލްސީއަށްވުރެ 8 ޕޮއިންޓް، އަދި ފަސްވަނައިގައި އޮތް މެންޗެސްޓަރ ސިޓީއަށްވުރެ 9 ޕޮއިންޓް ކުރިއަށް ގޮސްފައެވެ. ނަމަވެސް މި ދެ ޓީމުންވެސް މި ހަފްތާގައި އަދި މެޗެއް ނުކުޅެއެވެ.
އިތުރު ލިޔުންތައް

55 އަހަރު ފަހުން ފޮރެސްޓަށް، އެންފީލްޑްގައި ލިވަޕޫލް ބަލިކުރެވިއްޖެ
7 މަސް ކުރިން
އިނގިރޭސި ގައުމީ ޓީމުގެ ކޯޗަކަށް ގުއާޑިއޯލާ އައުން ގާތް
6 މަސް ކުރިން
އިންގްލިޝް ޕްރީމިއަރ ލީގުގެ މެޗްޑޭ 08 އަށް އަވަސް ނަޒަރެއް.
5 މަސް ކުރިން