އައްޑޫ ސިޓީ އާރިކިޅީގައި ބިދޭސީ ފިރިހެނަކު މަރުވެފައި އޮއްވާ ފެނިއްޖެއެވެ.

ފުލުހުންގެ ޚިދުމަތުން މަޢުލޫމާތު ދެއްވި ގޮތުގައި، މިއަދު ހެނދުނު 9:33 ހާއިރު އާރިކިޅީގައި މީހަކު ޚަބަރު ހުސްވައި އޮއްވާ ފެނުނު ކަމުގެ މަޢުލޫމާތު ލިބުނުކަމަށެވެ.

އެ ހަށިގަނޑު ވަގުތުން އައްޑޫ އިކުއެޓޯރިއަލް ހޮސްޕިޓަލަށް ގެންދެވުނު ނަމަވެސް، އޭނާ ވަނީ މަރުވެފައި ކަމަށް ހޮސްޕިޓަލުން ފުލުހުންނަށް މަޢުލޫމާތު ދީފައިވެއެވެ.

މަރުވެފައި އޮއްވާ މީހާއަކީ ބިދޭސީ ފިރިހެނެއް ކަމަށް ފުލުހުން ވަނީ ކަށަވަރުކޮށްދެއްވާފައެވެ. ނަމަވެސް، އޭނާގެ އުމުރާއި ޤައުމާ ބެހޭ އިތުރު މަޢުލޫމާތެއް މި ވަގުތު ހާމަކޮށްފައެއް ނުވެއެވެ.

ފުލުހުންގެ ޚިދުމަތުން ވިދާޅުވި ގޮތުގައި، މި މައްސަލައިގެ ތަޙުޤީޤު މިހާރު ދަނީ ކުރިއަށެވެ.