ނ.މަނަދޫ ނަރުދަމާ ނިޒާމަށް ދިމާވެފައިވާ މައްސަލައަށް ދާއިމީ ޙައްލެއް ގެނައުމަށް ކުރަންޖެހޭ މަސައްކަތްތަކާ ގުޅޭ ސަރވޭ އެއް ކޮށްފި ކަމަށް ފެނަކަ ކޯޕަރޭޝަނުން ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި ފެނަކައިން ބުނެފައިވަނީ ޑިޒައިން ތައްޔާރުކޮށް، ކަމާބެހޭ އިދާރާތަކުން ނަގަންޖެހޭ ހުއްދަތައް ނެގުމުގެ މަސައްކަތް ކުރިޔަށް އޮތް ހަފުތާގެ ތެރޭގައި ކުރެވޭނެ ކަމަށެވެ.

ކުރިޔަށް އޮތް 4 މަސްދުވަހުގެ ތެރޭގައި މި މައްސަލަ އެއްކޮށް ޙައްލު ކުރެވިގެންދާނެ ކަން ވެސް ފެނަކަ އިން ވަނީ މައުލޫމާތު ދީފައެވެ.

މަނަދޫގެ ނަރުދަމާ ނިޒާމަށް އެކި މައްސަލަތައް ކުރިމަތިވަމުން އަންނައިރު، ފ. ނިލަންދޫގެ ނަރުދަމާ ނިޒާމަށްވެސް ޖެހެމުންދާ މައްސަލަތައް ހައްލުކުރުމަށް ސަރުކާރުން ދަނީ މަސައްކަތް ކުރައްވަމުންނެވެ.