"ހޮޅުދޫ ބޯޓް" ގައި އަލިފާން ރޯވެ އަނދާ ހުލިވި ހާދިސާގައި މިހާތަނަށް ނުފެނިފައިވާ އެ ބޯޓުން ދަތުރުކުރި ލ.ރިމާވަށު، އުމުރުން 25 އަހަރުގެ ޢަލީ މުޝްފިޤް ހޯދުމުގެ މަސައްކަތް އެންމެ ފުޅާ ދާއިރާގައި ކުރަމުން އެބަދެއެވެ.

އެމްއެންޑީއެފުން މިއަދު ހާމަކުރި މަޢުލޫމާތަށް ބަލާއިރު، އޭނާ ހޯދުމުގެ މަސައްކަތް ލިބިހުރި ހުރިހާ ވަސީލަތެއް ބޭނުންކޮށްގެން އަންނީ ކުރަމުންނެވެ.

އެމްއެންޑީއެފުން ބުނީ، އެމްއެންޑީއެފް ކޯސްޓްގާޑް ޝިޕް ޢާޒީ، އެފްއައިސީ މާފަތް، އެޗްޕީ 114، ޑައިވަރުންނާއި އެއާރ ކޯރގެ ޑްރޯން އަދި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން ކަނޑުމަތިންނާއި ޑައިވްކޮށްގެން އަދި ވައިގެ މަގުން ޢަލީ މުޝްފިޤް ޝަރީފް ހޯދުމުގެ މަސައްކަތް ކުރަމުން އަންނަކަމަށެވެ.

https://mendhuru.tv/dv/6832

ހޮޅުދޫ ބޯޓް" އިން ދަތުރުކުރަމުންދިޔަ 18 މީހުންގެ ތެރެއިން 17 މީހުން ވަނީ ސަލާމަތްކޮށްފައެވެ.

މި ބޯޓުގައި ރޯވީ މާލެ އަށް ދަތުރުކުރަމުން ދަނިކޮށް ތ.ކަނޑޫދޫ އާއި ހިސާބުގައި އޮއްވައެވެ. ރޯވި ސަބަބެއް އަދި ނޭނގެ އެވެ.