ރެއާލް ގެ 4 ކުޅުންތެރިންނާއި ދެކޮޅަށް ބަލަމުން ގެންދިޔަ މައްސަލައިގައި އެކުޅުންތެރިން ޖޫރިމަނާކުރަން ޔުއެފާއިން ނިންމައިފިއެވެ. މިއާއެކު އެންޓޯނިއޯ ރޫޑިގަރ، އެމްބާއްޕޭ، ވިނީސިއުސް އަދި ސެބަޔޯސް އަށް އާސެނަލްއާ ދެކޮޅަށް ކުޅެވޭނެއެވެ. ޖަރުމަނު ޑިފެންޑަރާއި އެމްބާޕޭ އާ ސްޕެއިނުގެ މިޑްފީލްޑަރާ ދެކޮޅަށް ކުރިއަށްގެންދިޔަ ތަހުގީގު ނިމުމަކަށް އައިސްފައިވަނީ މި ތިން ކުޅުންތެރިންނަށްވެސް ޖޫރިމަނާ އަކާއެކުގައެވެ. އަދި ކުރިޔަށް އޮތް އަހަރު މިފަދަ ކަމެއް ތަކުރާރުވެއްޖެނަމަ އެއް މެޗުގެ ސަސްޕެންޝަނެއް ދެވޭނެކަމަށް ބުނެފައިވެއެވެ.

ރޫޑިގަރ އަށް 40،000 ޔޫރޯގެ ޖޫރިމަނާއެއް ކަނޑައަޅާފައިވާއިރު، އެމްބާޕޭ އަށް 30،000 ޔޫރޯގެ ޖޫރިމަނާއެއް ކަނޑައަޅާފައިވެއެވެ. ސެބަލޯސް އަށް 20،000 ޔޫރޯގެ ޖޫރިމަނާއެއް ކަނޑައަޅާފައިވާއިރު، ވިނީސިއަސް އަށް އެއްވެސް އަދަބެއް ކަނޑައަޅާފައެއް ނުވެއެވެ.

މި ތަހުގީގު ފެށިފައިވަނީ މެޓްރޮޕޮލިޓާނޯ ސްޓޭޑިއަމްގައި ކުއާޓަރ ފައިނަލް ޖާގަ ހޯދުމަށްފަހު ކުޅުންތެރިން ދެއްކި އިޝާރާތްތަކާ ގުޅިގެން އެތްލެޓިކޯ މެޑްރިޑުން ރަސްމީކޮށް މިމައްސަލަ ޔުއޭފާ އަށް ހުށަހެޅުމުންނެވެ. ޔުއެފާއިން އެންމެ ސީރިއަސްކޮށް ބެލީ ރޫޑިގަރ ދެއްކި އިޝާރާތެވެ. ނަމަވެސް މައްސަލަ ނިންމާލާފައިވަނީ ޖޫރިމަނާއަކުންނެވެ.

މިއީ އެންސެލޮޓީ އަދި މެޑްރިޑުގެ ސަޕޯޓަރުންނަށް އަށް ލިބުނު އުފާވެރި ޚަބަރެލެވެ. އާރސެނަލް މެޗުގައި ޗުއަމެނީ ކާޑު ހަމަވުމުގެ ސަބަބުން ނުކުޅެވޭއިރު، ސެބަޔޯސް އަށް އަނިޔާގެ ސަބަބުން ނުކުޅެވޭނެއެވެ.