ބޯކޮށް ވާރޭވެހުމުގެ ސަބަބުން ރެއާލް މެޑްރިޑާއި ވެލެންސިއާ ލީގުގައި ކުޅޭ މެޗު ފަސްކޮށްފި.

ތޫފާން ދާނާ ގެ ސަބަބުން ވެލެންސިއާގެ ބައެއް ފެނުއަޑީގައި. ފޮޓޯ: ގެޓީ އިމޭޖެސް.

01 ނޮވެމްބަރު 2024 - 06:43
ސްޕެނިޝް ލަލީގާގައި ރެއާލް މެޑްރިޑާއި ވެލެންސިއާ މި ހަފްތާ ބަންދުގައި ކުޅެން ހަމަޖެހިފައިވާ މެޗު ވިއްސާރައިގެ ސަބަބުން ފަސްކޮށްފިއެވެ. ނިމިދިޔަ ހަފްތާއިން ވެށިގެން ސްޕެއިންގެ ވެލެންސިއާއަށް އަންނަނީ ބޯކޮށްވާރެވެހެމުންނެވެ. ތޫފާން ދާނާ ގެ ނަމުން ނަންދީފައިވާ މި ތޫފާނުގެ ސަބަބުން ވެހުނު ވާރޭއަކީ މި އަހަރުތެރޭގައި ވެލެންސިއާއަށް އެންމެ ބޯކޮށް ވާރޭވެހުނު ފަހަރުކަމަށް ރެކޯޑްކުރެވިފައިވެއެވެ.
މި ވިއްސާރާއާއި ގުޅިގެން ސްޕެއިންގެ ފުޓުބޯޅަ ފެޑެރޭޝަނުންވަނީ މި ހަފްތާ ބަންދުގައި އެސަރަޙަށްދުގައި ކުޅެން ހަމަޖެހިފައިވާ ހުރިހާ މެޗުތަކެއް ކެންސަލް ކޮށްފައެވެ.
މި ވިއްސާރާގައި ޙާލުގައި ޖެހުނު މީހުންނަށް އެހީވުމަށް ރެއާލް މެޑްރިޑުން ވަނީ ރެޑް ކްރޮސް އަށް 1 މިލިޔަން ޔޫރޯ ހަދިޔާ ކޮށްފައެވެ. އަދި ބާސެލޯނާގެ ފޯވާޑް ފެރާން ޓޯރޭސް ވެސް ވަނީ ހާލުގައި ޖެހުނު ފަރާތްތަކަށް އެހީވާނެކަމަށް ބުނެފައެވެ. ޓޮރޭސް އަކީ ވެލެންސިއާ ސަރަޙައްދަށް އުފަންވި ކުޅުންތެރިއެވެ.
ރެއާލް މެޑްރިޑުން ކުޅެން ހަމަޖެހިފައިވާ މެޗުތައް ގިނަކަމުން މި މެޗު އަންނަ އަހަރުގެ މާޗުމަހާ ހަމައަށް ލަސްކުރުން އެކަށީގެންވާކަމަށް ރިޕޯޓްތައް ބުނެއެވެ.
އިތުރު ލިޔުންތައް

ގޯލު ފުންޏެއް ޖަހައި ބާސާގެ ސަޕޯޓަރުންނަށް އުފާވެރިކަން
7 މަސް ކުރިން
ޔޫތް ސާފް ޗެމްޕިއަންޝިޕްގައި ރާއްޖެ ކުރިމަތިލާނީ ވަރުގަދަ ދެ ޓީމާ
7 މަސް ކުރިން
ޤައުމީ އަންހެން ޓީމު ސާފް ޗެމްޕިއަންޝިޕަށް ފުރައިފި
6 މަސް ކުރިން