ހުޅުމާލެ ފުރަތަމަ ފިޔަވަހީގައި ހުރި ބިދޭސީންގެ އެކަމޮޑަޝޭނަކުން ވައްކަން ކުރި މައްސަލައެއް ފެންމަތިވެއްޖެއެވެ.

ފުލުހުން ބުނީ، ހުޅުމާލެ ފުރަތަމަ ފިޔަވަހީގެ ސިނާޢީ ސަރަޙައްދުގައި ހުރި ބިދޭސީން ދިރިއުޅޭ އެކަމޯޑޭޝަނަކުން، މިއަދު ފަތިހު ވައްކަންކޮށްފައިވާކަމަށެވެ.

Ad by Hajj Corporation

އެ މައްސަލައިގައި އުމުރުން 29 އަހަރުގެ ދިވެހި ފިރިހެނަކު ވަނީ ހައްޔަރުކޮށްފައެވެ. ފުލުހުން ބުނި ގޮތުގައި، ހައްޔަރުކުރީ ރ. މީދޫ، ނަސީމީގެ މުޙައްމަދު ޝާފީއެވެ.

އޭނާ ހައްޔަރުކުރިއިރު އޭނާގެ އަތުން ހަތް ފޯނާއި، އެއް ޕަވާ ބޭންކް އަދި ދެ ވޮލެޓް ވަނީ ފެނިފައެވެ.

އެ މައްސަލަ ފުލުހުން ގެންދަނީ ތަޙުގީގުކުރަމުންނެވެ.