މާލޭގެ ބުރުޒު މަގުގައި ހުރި ސައިކަލެއްގެ މަޑި ދަށުން ހަތަރު ލައްކައަށް ވުރެ ގިނަ ރުފިޔާ ވަގަށް ނެގި މައްސަލައެއްގައި، މީހަކު ހައްޔަރުކޮށްފިއެވެ.

ފުލުހުން ބުނީ، މިދިޔަ ބުދަ ދުވަހުގެ ހެނދުނުގެ ވަގުތެއްގައި ބުރުޒު މަގުގައި ހުންނަ ހަބީބް ކެފޭ ކައިރީގައި ހުރި ސައިކަލެއްގެ މަޑި ދަށުން ހަތަރު ލައްކައަށް ވުރެ ގިނަ ރުފިޔާ ވަގަށް ނެގި މައްސަލައެއްގެ ރިޕޯޓު އެ އިދާރާއަށް ލިބިފައިވާ ކަމަށެވެ.

Ad by Hajj Corporation

އަދި އެ މައްސަލައިގައި ޖެހިގެން އައި ދުވަހު، ކޯޓު އަމުރެއްގެ ދަށުން ތުހުމަތު ކުރެވޭ ބިދޭސީއަކު ހައްޔަރުކޮށްފައިވާ ކަމަށާއި، ހައްޔަރުކުރީ ބަންގްލަދޭޝަށް ނިސްބަތްވާ ޖަހަންގިރު އާލަމް ކަމަށް ފުލުހުން ބުންޏެވެ.

އެ މައްސަލައިގައި އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ، 15 ދުވަހަށް ބަންދުކުރުމަށް ކްރިމިނަލް ކޯޓުން އަމުރުކޮށްފައިވާ ކަމުގައި ވެސް ފުލުހުން ބުންޏެވެ.

އެ މައްސަލަ ފުލުހުން ގެންދަނީ ތަހުގީގުކުރަމުންނެވެ.