މަޝްހޫރު ފުޓުބޯޅަ ކުޅުންތެރިޔާ އަލީިޔާ އަލީ އަޝްފާގު (ދަގަނޑޭ) އާއި އަލީ ރަމީޒުގެ މަންފާ ޖަމިއްޔާ ގުޅިގެން ސްޕޯޓްސް އެކެޑަމީއެއް ހުޅުވުމަށް ނިންމައިފިއެވެ.

ރާއްޖޭގައި ބޮޑު މަޝްހޫރުކަމެއް ހޯދާފައިވާ އަލީ ރަމީޒާއި، ދަގަނޑޭ މި މަސައްކަތކުރަން ނިންމިކަން ހާމަކޮށްފައި ވަނީ އަލީ ރަމީޒު އޭނާގެ ފޭސްބުކް ޕޭޖުގައި ކުރި ޕޯސްޓެއްގައެވެ.

އަލީ ރަމީޒުގެ ބުނެފައިވާ ގޮތުގައި މި އެކެޑަމީ ވަރަށް އަވަހަށް ވުޖޫދަށް އަންނާނެއެވެ. އަދި އެކެޑަމީގެ ކަންކަން މިވަގުތު އެންމެ އިސްކޮށް ބަލަހައްޓަނީ މަޝްހޫރު ވޮލީބޯޅަ ކޯޗު މުހައްމަދު ސާޖިދު (ކާއްޓޭ ކޯޗު) ކަމަށް އޭނާ ހާމަކޮށްފައިވެއެވެ.

މަންފާ ޖަމިއްޔާއަކީ މީގެ ދެ މަސް ކުރިން އަލީ ރަމީޒު އިސްނަގައިގެން ރަޖިސްޓްރީ ކޮށްފައިވާ ޖަމިއްޔާއެކެވެ. މި އެކެޑަމީ ހުޅުވުމަކީ އެ ޖަމިއްޔާގެ ފަރާތުން ކުޅިވަރުގެ ދާއިރާއަށް އަމާޒުކޮށްގެން ފަށާ ފުރަތަމަ މަޝްރޫޢު ކަމަށް ބެލެވެއެވެ.