އިނގިރޭސިވިލާތުގެ ކުރީގެ މަޝްހޫރު ފުޓްބޯޅަ ކުޅުންތެރިޔާ މައިކަލް އޯވެން އާއި އެކު ރާއްޖޭގައި ފުޓްބޯޅަ ކޭމްޕެއް ބާއްވަން ނިންމައިފިއެވެ.

އޮވެން އަކީ އިނގިރޭސި ސްޓްރައިކަރެއްގެ އިތުރުން ލިވަޕޫލާއި ރެއާލް މެޑްރިޑާއި މެންޗެސްޓާ ޔުނައިޓެޑަށް ކުޅެފައިވާ ހުނަރުވެރި ކުޅުންތެރިއެވެ.

އަވާނި ޕްލަސް ފަރެސް މޯލްޑިވްސް ރިސޯޓުން އިންތިޒާމުކޮށްގެން ބާއްވާ މި ކޭމްޕަކީ ކުޑަކުދިންނަށް ހާއްސަކޮށްގެން އެ ރިސޯޓުގައިބާއްވާ ފުޓްބޯޅަ ކޭމްޕެކެވެ. މިއީ އެ ރިސޯޓުން ކުޑަކުދިންނަށް އިންތިޒާމުކުރާ މިފަދަ ފުރަތަމަ ފުޓްބޯޅަ ކޭމްޕެވެ.

މައިކަލް އޮވެން އާއި އެކު ފުޓްބޯޅައިގެ ހުނަރުތަކާއި އުކުޅުތައް ކުޑަކުދިންނަށް ދަސްކޮށްދިނުމަށް ބާއްވާ މި ކޭމްޕް އޮންނާނީ 20-24 އޮކްޓޫބަރަށެވެ.

4 އަހަރުން ފެށިގެން 15 އަހަރާއި ދެމެދުގެ ކުދިންނަށް ބާއްވާ މި ކޭމްޕްގައި ފުޓްބޯޯޅައިގެ ހުނަރުތައް ކިޔައިދޭނެކަމަށް ކޭމްޕް އިންތިޒާމްކުރާ ފަރާތުން ބުނެފައިވެއެވެ. މިހާރު އުމުރުން 45 އަހަރުގެ އޯވެން އަކީ ދުނިޔޭގެ އެންމެ މޮޅު ކުޅުންތެރިޔާއަށްދޭ ބެލެންޑިއޯ އެވޯޑްވެސް ހާސިލްކޮށްފައިވާ ކުޅުންތެރިއެވެ.