ބަޔާން މިއުނިކްގެ ތަރި ޖަމާލް މުސިއާލާ މި ހޫނުމޫސުމުގައި ތުރުކީގެ ގަލަތަސަރާއިއަށް ބަދަލުވާން އުޅޭ ކަމަށް ބުނެ ރިޕޯޓުކުރި ތުރުކީގެ ނޫސްވެރިޔަކު އެ ގައުމުގެ ތަންފީޒީ އިދާރާތަކުން ހައްޔަރުކޮށްފިއެވެ. މިއީ ފުޓްބޯޅަ ޓްރާންސްފާ ހަބަރުތަކާ ގުޅިގެން ގާނޫނީ ގޮތުން މިފަދަ ފިޔަވަޅެއް އެޅި ފުރަތަމަ ފަހަރެވެ.

ހައްޔަރުކޮށްފައިވަނީ ނޫސްވެރިޔާ ބުރުހާން ޖާން ތެރްޒީ އެވެ. އޭނާ ހައްޔަރުކޮށްފައިވަނީ ބަކިރްކޯއީ ޗީފް ပަބްލިކް ޕްރޮސެކިއުޓާސް އޮފީހުން ހިންގާ ރަސްމީ ތަހުގީގުގެ ތެރެއިންނެވެ. މި ތަހުގީގަކީ ހަގީގަތާ ހިލާފު މަޢުލޫމާތު އާންމުންގެ މެދުގައި ފެތުރުމުގެ ތުހުމަތުގައި ހިންގާ ތަހުގީގެކެވެ.

Ad by Hajj Corporation

ޖަރުމަނުގެ ގައުމީ ޓީމުގެ ކުޅުންތެރިޔާ އިސްތަންބޫލްގެ ކްލަބަށް ބަދަލުވާން އުޅޭ ކަމަށް ބުނެ އާންމުކުރި ރިޕޯޓާއެކު ގަލަތަސަރާއިން ވަނީ ވަގުތުން އެކަން ދޮގުކޮށްފައެވެ. އެ ކްލަބުން ނެރުނު ރަސްމީ ބަޔާނެއްގައި ބުނެފައިވަނީ އެއީ އެއްވެސް ހަގީގަތެއް ނެތް ވާހަކަތަކެއް ކަމަށެވެ.

ފުޓްބޯޅަ ޓްރާންސްފާ ދުވަސްވަރު ދޮގު ހަބަރުތަކާއި އަޑުތައް ފެތުރުމަކީ އާންމު ކަމެއް ނަމަވެސް، ޕްރޮސެކިއުޓަރުންގެ އޮފީހުން މި މައްސަލައިގެ ތެރެއަށް ވަނުމުން މިއަށް ވަނީ ގާނޫނީ ބޮޑު ނުރައްކަލެއް ކުރިމަތިވެފައެވެ. ޕްރޮސެކިއުޓަރުގެ އޮފީހުން ތަހުގީގު ކުރިއަށްދާއިރު، ތެރްޒީގެ މައްޗަށް ކުރެވޭ ވަކި ދައުވާތަކާއި ގުޅޭގޮތުން އަދި ވަކި އެއްޗެއް ހާމަކޮށްފައެއް ނުވެއެވެ.