ވެހިކަލް އެތެރެކުރުމުގެ ކުރިން ހުއްދަ ނަގަން ޖެހޭ ގޮތަށް އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީކުރުމުގެ ގަވާއިދަށް މިއަދު އިސްލާހު ގެނެސްފި އެވެ.

މިހާރު ގަވާއިދު އޮންނަ ގޮތުން ކާރު ފަދަ ވެހިކަލް ރަޖިސްޓްރީކޮށްދެނީ އެ އުޅަނދު ބާއްވާނެ ތަނެއް ހުއްދައިގެ ކޮޕީ ހުށަހެޅުމުން ނެވެ، އެހެން ނަމަވެސް ގިނަ އަދަދެއްގެ ވެހިކަލް އެއް ގަރާޖަކަށް ރަޖިސްޓްރީކުރުމުގެ މައްސަލަ ބޮޑުކަމުން "ގަރާޖު ސިޓީ" އުވާލަން ވެސް މީގެ ކުރިން މަޖިލީހުން މަސައްކަތް ކުރި އެވެ.

Ad by Hajj Corporation

ސަރުކާރުގެ ގެޒެޓުގައި މިއަދު ޝާއިއުކުރި އާ ގަވައިދުގައި ބުނިގޮތުގައި  ދެފުރޮޅުލީ އެއްގަމު އުޅަނދު ފިޔަވައ،ި އެހެން ހުރިހާ އުޅަނދެއް ރާއްޖެ އެތެރެކުރުމުގެ ކުރިން އެ އުޅަނދެއް ރާއްޖެއަށް އެތެރެކުރުމުގެ ހުއްދަ ޓްރާންސްޕޯޓް މިނިސްޓްރީން ނަގަން ޖެހޭނެ އެވެ.

އެ ގަވައިދަށް އަމަލުކުރަން ފަށާނީ މިއަދުން ފެށިގެން ކަމަށް ވެސް ގަވައިދުގައި ބުނެފައި ވެއެވެ.