ފަނާކުރަނިވި މިސައިލްތައް ބޭނުން ކޮށްގެން ޣައްޒާގެ އަލް-އަހްލީ ޢަރަބި ހަސްފަތާލަށް ޔަހޫދީން ދިން ހަމަލާތަކުގެ ސަބަބުން ބައިނަލްއަގްވާމީ މަސްރަހުގެ ކަންބޮޑުވުން އިތުވެއްޖެއެވެ.

ޔަހޫދީންގެ މިސައިލް ޙަމަލާތައް އަމާޒުވެ އެ ހަސްފަތާލުގައި ކުއްލި ހާލަތްތަކުގައި ޚިދުމަތް ދިނުމަށް ބޭނުން ކުރާ އެމަރޖެންސީ ރޫމް ހުންނަ އިމާރާތާއި ރިސެޕްޝަން ސަރަޙައްދަށް ބޮޑެތި ގެއްލުންތަކެއް ވަނީ ލިބިފައެވެ.

މި ހަސްފަތާލަކީ ބަލިމީހުންގެ އިތުރުން ގެދޮރު ނެތިކޮށްލާފައިވާ އެތަކެއް ސަތޭކަ ރެފިއުޖީން ދިރިއުޅެމުން ދިޔަ ހަސްފަތާލެކެވެ. މި ހަސްފަތާއް ޔަހޫދީން ހަމަލާ ދީފައިވަނީ ގަސްދުގައި ކަމަށާއި މިއީ އަނިޔާވެރިކަމުގެ މިސާލެއްކަމަށް ހަމާސް ޖަމާއަތުންވަނީ ބުނެފައެވެެ.

މިއަދުވެސް ޣައްޒާގެ އެކި ހިސާބުތަކަށް ދެމުންދާ ހަމަލާތަކުގައި މިހާތަނަށް 30 އަށްވުރެ ގިނަ މީހުން ޝަހީދުކޮށްލާފައިވާއިރު ޔަމަނުގެސަންއާ އަށް އެމެރިކާއިން ދިން ހަމަލާތަކެއްގައި 6 މީހުން ޝަހީދުވެ 20 މީހުން ވަނީ ޒަޚަމްވެފައިވެއެވެ.

ޣައްޒާގެ އެންމެ ފަހުގެ ހަބަރުތައް ބުނާގޮތުން ޔަހޫދީން މިހާރުވަނީ ރަފާހު ހިސާރުކޮށްފައެވެެ. ޣައްޒާ ހަނގުރާމައިގައި މިހާތަނަށް 50,912 ފަލަސްތީނު ރައްޔިތުން ޝަހީދުވެފައިވެފައިވާއިރު 115,981 މީހުންވަނީ ޒަޚަމްވެފައެވެ.