މާލޭގެ ހެންވޭރު ސަރަހައްދުގައި ހުންނަ ގެއެއްގެ ފުރާޅު މައްޗަށް ވެއްޓިފައި އޮތްވާ ފެނުނު 21 އަހަރުގެ ޒުވާނާގެ ހާލަތު ކުޑަކޮށް ރަނގަޅުވުމާ ގުޅިގެން، އޭނާ ވެންޓިލޭޓަރުން ނަގާފައިވާ ކަމަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން މިއަދު ހާމަކޮށްފިއެވެ.

މި ހާދިސާ ހިނގާފައިވަނީ މިދިޔަ ހުކުރު ވިލެލޭ ރޭގައެވެ.

ފުލުހުންގެ ކުރިން ބުނެފައިވާ ގޮތުގައި، ފުރާޅުން ވެއްޓިފައި އޮއްވާ ފެނުނު އަންހެން ޒުވާނާއަކީ 21 އަހަރުގެ ދިވެހި އަންހެނެކެވެ.

https://mendhuru.tv/dv/7300

އައިޖީއެމްއެޗްގެ ފަރާތުން ދެއްވި މަޢުލޫމާތުގައި، ޒުވާނާގެ ހާލަތު ކުޑަކޮށް ރަނގަޅުވެފައިވާ ކަމަށާއި، އެހެންނަމަވެސް އޭނާގެ ހާލަތު އަދިވެސް ސީރިއަސް ކަމަށް ބުނެފައިވެއެވެ.

އެ ޒުވާނާ ހޮސްޕިޓަލަށް ގެންދިޔައީ ދިވެހި ސިފައިންގެ އެހީތެރިކަމާއެކުގައެވެ.

މި ހާދިސާއާ ގުޅިގެން އިތުރު ތަޙްޤީޤުތައް ކުރިއަށްދާ ކަމަށް ފުލުހުން ބުނެފައިވެއެވެ.