މާލޭގައި ހިނގަމުންދާ ސިލްސިލާ މުޒާހަރާތަކަކީ އެމްޑީޕީން ސިޔާސީކޮށްފައިވާ ކަމެއްކަމަށް މައްޗަންގޮޅި އުތުރު ދާއިރާގެ މެންބަރު އިބްރާހިމް މުހައްމަދު ވިދާޅުވެއްޖެއެވެ.

މާލޭގެ އިމާރާތަކުން ދާދިފަހުން ވެއްޓުނު ހައްވާ ޔުމްނު ރަޝީދުގެ މައްސަލާގައި މާލޭގައި ޒުވާނުންތަކެއް ދަނީ ސިލްސިލާ މުޒާހަރާތަކެއް ކުރަމުންނެވެ. މި މުޒާހަރާތަކާ ގުޅިގެން މިގެން މެންބަރު އިބްރާހިމް މުހައްމަދު ވިދާޅުވެފައިވަނީ، މިހާރު ހިނގަމުންދަނީ ސިޔާސީކަމެއް ކަމަށް ތުހުމަތު ކުރެވޭ ކަމަށެވެ.

Ad by Hajj Corporation

"އެމްޑީޕީން މުޒާހިރާ ސިޔާސީކޮށްފި. މިހާރު ހިނގަމުންދަނީ ސިޔާސީކަމެއް ކަމުގައި ތުހުމަތު ކުރެވޭ," މެންބަރު އިބްރާހިމް މުހައްމަދު ވިދާޅުވިއެވެ.

މީގެއިތުރުން މެންބަރު އިބްރާހިމް މުހައްމަދު ވަނީ ހެންވޭރުގައި ބޯ ބުރިކޮށްލި އަންހެން ކުއްޖާގެ މައްސަލައިގައި ހަނުތިބި މީހުން އިންސާފުގެ ނަމުގައި ފުލުހުންނަށް ހުރަސްއެޅުން ހުއްޓާލުމަށް ގޮވާލައްވާފައެވެ.

މެމްބަރު މިފަދައިން ވިދާޅުވެފައިވާއިރު، އެމްޑީޕީގެ ހަރުގޭގައި މުޒާހަރާގައި ބޭނުންކުރާ ވޯޑުތައް ހަދާ ފޮޓޯތަކެއް ވެސް މިރޭ ވަނީ އާންމުވެފައެވެ. އަދި އެމްޑީޕީ އާއި ދަ ޑިމޮކްރެޓިސްގެ ބައެއް އެކްޓިވިސްޓުން ވެސް މުޒާހަރާގެ ކުރީ ސަފުން ދަނީ ފެންނަމުންނެވެ.