ރަސްފަންނު މޫދަށް އެޅުނު ކަޅުތެޔޮ ސާފުކޮށް، އާންމު ހާލަތަކަށް ގެނެސްފައިވާ ކަމަށް ކޮންސްޓްރަކްޝަން މިނިސްޓްރީން ހާމަކޮށްފިއެވެ.

މިކަން ހާމަކޮށްފައިވަނީ މިނިސްޓްރީން ކުރި ޕޯސްޓެއްގައެވެ.

Ad by Hajj Corporation

ރަސްފަންނު މޫދަށް ކަޅުތެޔޮ އެޅިފައިވާ މައްސަލަ އެންމެ ފުރަތަމަ ފާހަގަކޮށްފައިވަނީ މޯލްޑިވްސް ޕޮލިސް ސަރވިސްއިންނެވެ. ފުލުހުން މިއަދު ބުނެފައިވަނީ ރަސްފަންނު މޫދަށް ކަޅުތެޔޮ އެޅިފައިވާ މައްސަލައެއް ކަމާބެހޭ އިދާރާތަކާ ގުޅިގެން ބަލަމުންދާ ކަމަށެވެ. އަދި އެ ސަރަހައްދަށް މޫދަށް ނޭރުމަށް އާންމުންނަށް އިލްތިމާސްކޮށްފައިވެއެވެ. ނަމަވެސް، މި ސަރަހައްދަށް ކަޅުތެޔޮ އެޅުނު ސަބަބެއް ފުލުހުން ހާމަކޮށްފައެއް ނުވެއެވެ.

ކޮންސްޓްރަކްޝަން މިނިސްޓްރީން ދިން މަޢުލޫމާތުން އެނގެނީ މިހާރު އެ ސަރަހައްދު ސާފުކޮށް، އާންމު ހާލަތަކަށް ގެނެސްފައިވާ ކަމަށެވެ.

މިކަމާ ގުޅިގެން މިހާރު ރަސްފަންނު މޫދަށް އެރުމުގައި އެއްވެސް ހުރަހެއް ނެތެވެ.

މިއީ މާލޭ ސަރަހައްދުގައި ކަޅުތެޔޮ އެޅުމުގެ މައްސަލަ ފާހަގަކުރެވުނު ފުރަތަމަ ފަހަރެއް ނޫނެވެ. މީގެ ކުރިން ވެސް ރަސްފަންނާއި، ރަސްމީ ފާލަން ސަރަހައްދާއި، ދަތުރުވެރިންގެ ބަނދަރު ފަދަ ސަރަހައްދުތަކަށް ކަޅުތެޔޮ އެޅުނު މައްސަލަތައް ވަނީ ފެންމަތިވެފައެވެ.