ޖުމުހޫރީ މައިދާން މަރާމާތު ކުރުމަށް ވަގުތީ ގޮތުން އެ ސަރަހައްދު ބަންދު ކޮށްފިއެވެ.

މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗާ އިން ގެޒެޓު ކުރި އިއުލާނުގައި ބުނީ، މިނިވަން ދުވަހުގެ ހަރަކާތްތަކަށް މިނިވަން މައިދާން ތައްޔާރުކުރުމުގެ ގޮތުން، އެ ސަރަހައްދު މަރާމާތުކޮށް ޒީނަތްތެރިކުރުމުގެ މަސައްކަތްތައް ކުރިއަށްގެންދިއުމަށް، މި މަހުގެ 10 ވަނަ ދުވަހުން ފެށިގެން 25 ވަނަ ދުވަހާއި ހަމައަށް ޖުމްހޫރީ މައިދާން އާންމުންނަށް ބަންދުކުރެވިފައިވާކަމަށެވެ.

Ad by Hajj Corporation

ރާއްޖޭގެ މިނިވަންކަމަށް 60 އަހަރު ފުރޭ މުނާސަބަތާ ގުޅިގެން ، އެދުވަސް މުޅި ރާއްޖޭގައި ވަރަށް ކުލަ ގަދަކޮށް ފާހަގަ ކުރުމަށް ވަނީ ނިންމާފައެވެ. އެގޮތުން މިނިވަން ދުވަހުގެ ހަރަކާތްތަށް މި މަހުގެ 26، 27، އަދި 28ގެ ތިން ދުވަހުގައި ވެސް ކުރިޔަށް ގެންދިއުމަށް ވަނީ ހަމަޖެހިފައެވެ. އެގޮތުން ފުޅަނދު ބުރާއި ސިފައިންގެ ހަރަކާތްތަކުގެ އިތުރުން، މިނިވަން ދުވަހުގެ ރަސްމީ ޖަލްސާ ވެސް ބޭއްވުމަށް ވަނީ ހަމަޖެހިފައެވެ.