ކ. ކަނޑޮއޮތްގިރީގައި މަސް ބަންދުކުރާ މިފްކޯގެ މަސް ކާރުޚާނާ ބަންދުކޮށް އެމްއެންޑީއެފްއާ ހަވާލުކޮށްފިއެވެ.

ފިޝަރީޒް މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމެއްގައި މިނިސްޓަރ ޝިޔާމް ވިދާޅުވީ، ކަންނެލި މަސްވެރިކަމަށް ޚާއްސަ ކަނޑުއޮތްގިރި އެމްއެންޑީއެފްއާ މިހާރު ހަވާލުކޮށްފައިވާ ކަމަށެވެ. އެތަން އެމްއެންޑީއެފްއާ ހަވާލުކޮށްފައިވަނީ މިމަހުގެ ހަތަރު ވަނަ ދުވަހުއެވެ.

ކަނޑުއޮތްގިރީގައި ކަންނެލީގެ މަސްވެރިކަން ހައްލުކުރުމަށް ގިނަ މަސައްކަތްތަކެއް ކުރެވުނު ނަމަވެސް، އެ މަަސައްކަތަށް އެދެވޭ ހައްލެއް ލިބިފައިނުވާ ކަމަށާއި، ކަނޑުއޮތްގިރި ހުޅުމާލެ ބަނދަރު ސަރަހައްދަށް ބަދަލުކުރުމަށް އެޗްޑީސީއާއެކު މަސައްކަތްކުރަމުންދާ ކަމަށް މިނިސްޓަރު ވިދާޅުވިއެވެ.

ޝިޔާމް އިތުރަށް ވިދާޅުވީ، މިހާރު ގެންނަން ނިންމާފައިވާ ބަދަލުން މަސްވެރިންނަށް ރަނގަޅު ބަދަލެއް ގެނެވޭނެ ކަމަށާއި، ކަންނެލި މަހުގެ އެކްސްޕޯޓް ކުރާ ފަރާތްތަކަށް އެ މާހައުލު ރަނގަޅު މާހައުލަކަށް ވެގެންދާނެ ކަމުގެ ޔަޤީންކަން ވަޒީރު ވަނީ ދެއްވާފައެވެ.