ރިއަލް ސޮސިޑޭޑް ގެ ސްޕެއިން ގެ މިޑްފީލްޑަރު މާޓިން ޒުބިމެންޑީ އާރސެނަލްއާ ގުޅުމުގެ އެންމެހައި ކަންކަން ބާރަށް ކުރިޔަށްދާކަމަށް ފުޓްބޯޅައިގެ ޓްރާންސްފަރ ޚަބަރުތައް ގެނެސްދޭ އެންމެ އިތުބާރުހުރި ނޫސްވެރިޔާ ފަބްރީޒިއޯ ރިޕޯރޓްކޮށްފިއެވެ. މީގެ ކުރިން ޒުބިމެންޑީ މިދިޔަ އަހަރު ލިވަޕޫލްއާ ގުޅުމަށް އެއްބަސްވުމަކަށް އައުމަށްފަހު ފަހުވަގުތު ސޮސިއެޑާޑްގައި ދެމިހުރުމަށް ނިންމި އެވެ.

ޒުބިމެންޑީ ގެންނަނީ އާރސެނަލްގެ މިޑްފީޅްޑަރ ޖޮޖީނިއޯ ބްރެޒިލްގެ ކްލަބް ފްލަމެންގޯއާ ގުޅުމަށް ހަމަޖެހިފައިވާ ދަނޑިވަޅެއްގައެވެ. ފްލަމެންގޯއިން އަންނަ މަހު ބޭއްވުމަށް ހަމަޖެހިފައިވާ ކްލަބް ވޯލްޑް ކަޕްގެ ކުރިން ޖޯޖިންހޯގެ ޓްރާންފަރގެ ކަންކަން ނިންމުމަށް މަސައްކަތްކުރަމުންދާ ކަމަށް މަޢުލޫމާތު ލިބެއެވެ.

ޒުބިމެންޑީ އާރސެނަލްއާ ގުޅުމަކީ ޓީމުގެ މިޑްފީލްޑަށް ލިބިގެންދާނެ ވަރަށް ބޮޑު ކުރިއެރުމެކެވެ. މި ސީޒަންގައި ގޯލު ޖެހުމުގައި ދަތިތަކާ ކުރިމަތިލާންޖެހުމާ ގުޅިގެން، އާރސެނަލްއިން ވަނީ އައު ސްޓްރައިކަރަކާއި ވިންގަރ އެއް ހޯދުމަށްވެސް މަސައްކަތް ފަށާފައެވެ.

ޒުބިމެންޑީ ގެނައުމާއެކު، އާރސެނަލްއަށް އަންނަ ސީޒަންގައި މުހިންމު މުބާރާތްތައް ކާމިޔާބުކުރުމަށް ފުރުޞަތު ބޮޑުވެގެންދާނެ ކަމަށް ބެލެވެއެވެ.