އިންޑިޔާ އާއި ޕާކިސްތާން ހޮނިހިރު ދުވަހު ހަނގުރާމަ ހުއްޓާލްޓާލަން އެއްބަސްވެއްޖެކަމަށް އެމެރިކާގެ ރައީސް ޑޮނަލްޑް ޓްރަމްޕް އިޢުލާނުކުރައްވައިފިއެވެ.

"އެމެރިކާގެ މެދުވެރިކަމާއެކު ދިގު ރެއެއްގެ މަޝްވަރާތަކަކަށްފަހު، އިންޑިޔާ އާއި ޕާކިސްތާން ފުރިހަމަ އަދި ވަގުތުން ހަނގުރާމަ ހުއްޓާލުމަށް އެއްބަސްވެއްޖެކަން އިޢުލާނުކުރުމަށް އަހަރެން އުފާކުރަމެވެ،" ޓްރަމްޕް ޓްރޫތް ސޯޝަލްގައި ކުރެއްވި ޕޯސްޓެއްގައި ވިދާޅުވިއެވެ.

ދެ ފަރާތުން "ވަކި ފަރާތަކަށް ނުޖެހޭ ތަނެއްގައި ފުޅާ ދާއިރާއެއްގެ މައްސަލަތަކާ ބެހޭގޮތުން މަޝްވަރާކުރަން ފެށުމަށް" އެއްބަސްވެފައިވާކަމަށް އެމެރިކާގެ ސްޓޭޓް ސެކްރެޓަރީ މާކޯ ރޫބިއޯ ސޯޝަލް މީޑިއާގައި ކުރެއްވި ވަކި ޕޯސްޓެއްގައި ވިދާޅުވިއެވެ.

ރޫބިއޯ ވިދާޅުވީ އޭނާ އާއި އެމެރިކާގެ ނައިބު ރައީސް ޖޭޑީ ވާންސް ވޭތުވެދިޔަ 48 ގަޑިއިރުގެ ތެރޭގައި "އިންޑިޔާ އާއި ޕާކިސްތާނުގެ އިސް އޮފިޝަލުންނާ މުޢާމަލާތްކޮށްފައިވާ" ކަމަށެވެ. މިކަމުގެ ސަބަބުން ހަނގުރާމަ ހުއްޓާލުމަށް އެއްބަސްވެވުނީ ކަމަށެވެ.