ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން، ރާއްޖޭގެ ޝަރުއީ ދާއިރާއަށް ނުފޫޒު ނުފޯރުވާ ކަމުގެ ޔަގީންކަން ޚާރިޖީ ވަޒީރު ޑރ. އަބްދުﷲ ޚަލީލް ދެެއްވައިފިއެވެ.

ވަޒީރު އެފަދައިން ވިދާޅުވީ، މިދިޔަ ބުދަ ދުވަހު ރައްޔިތުންގެ މަޖިލީހުން ވަނީ  ސުޕްރީމް ކޯޓުގެ ދެ ފަނޑިޔާރުންކަމުގައިވާ  ފަނޑިޔާރު މަހާޒު އަލީ ޒާހިރާއި ޑރ. އަޒްމިރަލްދާ ޒާހިރު އެ މަގާމުން ވަކިކުރުމަށް ފާސްކޮށްފައެވެ. އެ މައްސަލައާ ގުޅިގެން އެކަމުގެ ކަންބޮޑުވުން ފާޅުކޮށް މިދިޔަ ހަފުތާގެ އާދިއްތަ ދުވަހު ކޮމަންވެލްތުން ބަޔާނެއް ނެރުނެވެ.

Ad by Hajj Corporation

އެ ބަޔާނަށް އިޝާރަތްކުރައްވައި ކޮމަންވެލްތާއި އެ ޖަމިއްޔާގެ ވެރިން ޓެގުކުރައްވައި މިއަދު "އެކްސް" ގައި ކުރެއްވި ޕޯސްޓެއްގައި ވަޒީރު ވިދާޅުވީ، ޝަރުޢީ ދާއިރާގެ މިނިވަންކަމަށް ސަރުކާރުން ނުފޫޒުނުފޯރުވާނެ ކަމަށާއި، ސަރުކާރުން ދެމި އޮންނާނީ ވެސް އެފަދައިން ކަމަށެވެ.

އަދި އިދިކޮޅު ފަރާތްތަކުން ބޭރުގެ ޤައުމުތަކާއި ކޮމަންވެލްތް ފަދަ ޖަމިއްުޔާތަކާއި، ކަމުގެ ޙަޤީގަތާ އެއްގޮަތަށް މައުލޫމާތު ހިއްސާކުރެއްވުމަށް ވަޒީރު ވަނީ އެދިވަޑައިގެންފައެވެ.