އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާއި ކެއާ ސޮސައިޓީ ގުޅިގެން، ނުކުޅެދުންތެރިކަން ހުންނަ މީހުން ވަޒީފާގެ މާހައުލަށް ތައްޔާރުކުރުމުގެ ގޮތުން ހިންގި ޕްރޮގްރާމް 12 ފަރާތަކުން ފުރިހަމަކޮށްފިއެވެ.

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ބުނީ 'ޖޮބް-ރެޑިނަސް ޕްރޮގްރާމް' ގެ ނަމުގައި ހިންގި މި ޕްރޮގްރާމަކީ 26 ޖޫން އިން 29 އޯގަސްޓް 2024 ގެ ނިޔަލަށް ހިންގި މި ޕްރޮގްރާމެއް ކަމަށެވެ.

Ad by Hajj Corporation

މި ޕްރޮގްރާމް ހިންގާފައި ވަނީ އެފަދަ ފަރާތްތައް ފަސް ދާއިރާއަކުން ތަމްރީނުކުރުމަށް އިސްކަން ދީގެންނެވެ. އެ ދާއިރާ ތަކަކީ

• އިންޑިޕެންޑެންޓް ލައިފް ސްކިލްސް،
• ސްޕީޗް އެންޑް ލެންގުއޭޖް ވޮކެބިއުލަރީ،
• އިންފޯރމަލް އެޑިއުކޭޝަން،
• ލައިފް ސްކިލްސް،
• ޖޮބް-ރެޑިނަސް ސްކިލްސް

މީގެ ތެރޭގައި ސީވީ ތައްޔާރުކުރާނެ ގޮތާއި ފޯނާއި އީމެއިލްއިން މުޢާމަލާތު ކުރާނެގޮތާއި އިންޓަރވިއުތަކަށް ތައްޔާރުވާނެ ގޮތުގެ އިތުރުން މީހުންނާއި މުއާމަލާތްކޮށް ގުޅުން ބަދަހިކުރާނެ ގޮތާއި އަދި ޢާންމު ދަތުރު ފަތުރުގެ ނިޒާމް ބޭނުންކުރާނެ ގޮތްތައް ފަދަ ކަންކަން ކިޔަވާދީ، ތަމްރީން ދީފަވެއެވެ.