ރެއާލް މެޑްރިޑްގެ އެންމެ ލެޖެންޑަރީ އެއް ޖޯޒީކަމަށްވާ 10 ނަންބަރު ޖާޒީ އެމްބާއްޕޭއަށް ދިނުމަށް ކްލަބުން ނިންމާފައިވާކަމަށް ރިޕޯޓްތައް ބުނަންފަށައިފިއެވެ.

މި ޖާޒީއަކީ ރެއާލް މެޑްރިޑްގެ ތާރީހުގައި ލޫކާ މޮޑްރިޗް، މެސުތް އޯޒިލް އަދި ލުއިސް ފިގޯ ފަދަ ބޮޑެތި ތަރިން ލައިފައިވާ ޖާޒީއެކެވެ. އެމްބާއްޕޭ ރެއާލް އަށް ބަދަލުވިފަހުން ދެޓަށި ކާމިޔާބުކޮށްފައިވާއިރު، އެމްބާއްޕޭވަނީ ނިމިގެންދިޔަ ސީޒަނުގެ ޔޫރަޕުގެ ރަންބޫޓޫ ހޯދާފައެވެ.

Ad by Hajj Corporation

ރެއާލް މެޑްރިޑްގެ މާކެޓިންގ ޓީމުން ދެކޭ ގޮތުގައި އެމްބާއްޕޭއަށް 10 ނަންބަރު ޖާޒީ ދިނުމަކީ ކްލަބަށް ވިޔަފާރީގެ ގޮތުން ވެސް ވަރަށް ބޮޑު ކުރިއެރުމެއް ލިބިގެންދާނެ ކަމެކެވެ. އެމްބާއްޕޭގެ ޖާޒީ ވިއްކައިގެން ބޮޑު އާމްދަނީއެއް ލިބޭނެ ކަމަށް ކްލަބުން އުންމީދު ކުރެއެވެ.

24 އަހަރުގެ އެމްބާއްޕޭ ރެއާލް ގައި މިހާރު ބޭނުންކުރަނީ 9 ނަންބަރު ޖާޒީއެވެ. ޕީއެސްޖީގައި އެމްބާއްޕޭ 7 ނަންބަރު ޖާޒީ ބޭނުންކުރިނަމަވެސް ރެއާލް މެޑްރިޑްގައި އެނަންބަރު ބޭނުންކުރަނީ ވިނީސިއުސް އެވެ.