ހައިދަރާބާދު، އިންޑިއާ - މެއި 31، 2025 - ތައިލެންޑްގެ އޯޕަލް ސުޗާޓާ ޗުއަންގްސްރީ މިސް ވޯލްޑް 2025 ގެ ތާޖު ހޯދައިފިއެވެ.

މިއަހަރުގެ މިސް ވޯލްޑް މުބާރާތުގެ ގްރޭންޑް ފިނާލޭ ބޭއްވުނީ މެއި 31 ވަނަ ދުވަހު އިންޑިއާގެ ހައިދަރާބާދުގައެވެ.

Ad by Hajj Corporation

މި އިވެންޓްގައި މިދިޔަ އަހަރުގެ މިސް ވޯލްޑް، ޗެކް ރިޕަބްލިކްގެ ކްރިސްޓީނާ ޕިޝްކޯވާ އަޅުވައިދިން ތާޖު މިއަހަރުގެ މިސް ވޯލްޑް އޯޕަލް ސުޗާޓާ ޗުއަންގްސްރީގެ ބޮލުގައި އެޅުވިއެވެ. މިސް ވޯލްޑް 2025 ގެ ރަނަރަޕް އަކަށް ހޮވުނީ އިތިޔޯޕިޔާގެ ހަސެޓް ދެރެޖޭ އަދްމާސު އެވެ.

ތައިލެންޑްގެ ޕުކެޓަށް ނިސްބަތްވާ އޯޕަލް ސުޗާޓާ ޗުއަންގްސްރީ ވަނީ މީގެ ކުރިން، 2024 ގައި އޯޕަލް ވަނީ މިސް ޔުުނިވަރސް 2024 ގައި ތިންވަނަ ރަނަރަޕްގެ މަޤާމު ހޯދާފައެވެ.

މިއަހަރުގެ މުބާރާތުގައި 108 ވާދަވެރިން ބައިވެރިވިއެވެ.

72 ވަނަ މިސް ވޯލްޑް ފައިނަލް ހޯސްޓްކުރީ މިސް ވޯލްޑް 2016 ސްޓެފަނީ ޑެލް ވަލޭ އެވެ.

މިއީ މިސް ވޯލްޑް މުބާރާތް އިންޑިއާގައި ވިދިވިދިގެން ބޭއްވުނު ދެވަނަ އަހަރެވެ.