ކަނޑުން އުފައްދާ އޮކްސިޖަން މަދުވަމުންދާ ކަމަށް ބުނެ ތިމާވެށީގެ މާހިރުން ކަންބޮޑުވުންފާޅުކޮށްފި އެވެ.

އިންސާނުން ނޭވާލާ އޮކްސިޖަންގެ 50 އިންސައްތައަށްވުރެ ގިނަ އުފައްދަނީ ކަނޑުތަކުންނެވެ. ތިމާވެއްޓާބެހޭ ބައިނަލްއަގުވާމީ މާހިރުން މިއަދު ނެރުނު ރިޕޯޓެއްގައި ބުނެފައިވާ ގޮތުގައި މިހާރު ކަނޑުތަކުން އުފައްދާ އޮކްސިޖަން މަދުވަމުންދާ ކަމަށެވެ. އަދި އެކަމަށް ސަމާލުވުމާށް މާހިރުން ވަނީ ގޮވާލާފަ އެވެ. ޕްލާސްޓިކުގެ ސަބަބުން ކަނޑުތަކަށް ނޭވާ ނުލެވޭ ހިސާބަށް ދާކަމަށް މާހިރުން ވަނީ ބުނެފައެވެ.

ރިޕޯޓުގައި ހާމަކޮށްފައިވާ ގޮތުގައި، ކޮންމެ އަހަރަކު 8 މިލިއަން ޓަނަށްވުރެ ގިނަ ޕްލާސްޓިކް ކަނޑުތަކަށް އެޅެއެވެ. މިކަމުގެ ސަބަބުން ކަނޑުގެ ދިރުންތަކަށާއި މުޅި ކަނޑުގެ ނިޒާމަށް ނޭދެވޭ އަސަރުތަކެއް ކުރަމުންދާ ކަމަށް ރިޕޯޓުގައި ބުނެފައިވެއެވެ.

ކަނޑުތައް ސާފުކޮށް ބެލެހެއްޓުމަކީ ދިވެހިރާއްޖެ ފަދަ ޖަޒީރާ ޤައުމުތަކުގެ ޒިންމާއެއްކަމަށް ދެކިގެން އެކަން ކުރުން ވަރަށް މުހިންމުކަމަށްބެލެވެއެވެ.

ދުނިޔޭގެ ތިމާވެށީގެ ދުވަހާ ގުޅިގެން ރާއްޖޭގެ އެކި ހިސާބުތަކުގައި ހޭލުންތެރިކަން އިތުރުކުރުމުގެ ޙަރަކާތްތަކެއް ކުރިއަށްދާނެ ކަމަށް މިނިސްޓްރީ އޮފް ޓޫރިޒަމް އެންޑް އެންވަޔަރަމަންޓުން ބުނެފައިވެއެވެ. މީގެ ތެރޭގައި ރަށްރަށުގައި ގޮނޑުދޮށް ސާފުކުރުމުގެ ޕްރޮގްރާމްތަކާއި، ސްކޫލްތަކުގައި ހިންގޭ ހާއްސަ ސެޝަންތައް ހިމެނެއެވެ.