logo
ޚަބަރު

ލަންކާގެ ދެހިވަލަ ޒޫ އިން 500،000 ރުޕީސްގެ މަކާއޯ އެއް ވަގަށް ނެގި މައްސަލައެއް ބަލަނީ

މުހައްމަދު މޫސާމުހައްމަދު މޫސާ
9 ޖޫން 2025 - 14:02
ލަންކާގެ ދެހިވަލަ ޒޫ އިން 500،000 ރުޕީސްގެ މަކާއޯ އެއް ވަގަށް ނަގައިފި

ސްރީލަންކާގެ ދެހިވަލަ ނެޝަނަލް ޒޫގައި ގެންގުޅޭ 5 ލައްކަ ރުޕީސް (1672 ޑޮލަރު) އަށްވުރެ އަގުބޮޑު ނޫ ކުލައާއި ރީނދޫކުލައިގެ މަކޯއެއް ވަގަށް ގެންގޮސްފައިވާ މައްސަލަ ދެހިވަލަ ޕޮލިސް ސްޓޭޝަނުން ތަޙުޤީޤު ފަށައިފިއެވެ.

މި ހާދިސާ ހިނގާފައިވަނީ ޖޫން މަހުގެ 4 ވަނަ ދުވަހުގެ ރޭގަނޑު ކަމަށް ލަފާކުރެވޭއިރު، އެ ސަރަހައްދުގައި ހުރި ފިހާރައެއްގެ ސީސީޓީވީ ކެމެރާއިން ޒޫ ސަރަހައްދުގައި މީހަކު އުޅޭތަން ފެނިފައިވާކަމަށް މަޢުލޫމާތު ލިބިފައިވެއެވެ.

Ad by Hajj Corporation

Ad by Hajj Corporation

ޒޫގެ އިސްވެރިން ހާމަކުރި ގޮތުގައި މި މަކާއޯ ވަގަށް ނަގާފައި ވަނީ އެއް ގޮޅިއެއްގައި ބައިތިއްބާފައި ތިބި 30 ނޫ އަދި ރީނދޫ މެކޯގެ ތެރެއިންނެވެ.

މަކާއޯ އެއް މަދުކަން ފާހަގަކުރެވުނީ ޖެހިގެން އައި ދުވަހު ހެނދުނު ޒޫ ބަލަހައްޓާ މީހަކަށެވެ. އަދި އޭނާ ބެލިއިރު އެ ގޮޅީގެ ތަޅު ހުރީ ހަލާކުކޮށްލާފައެވެ. މި ކަން ފާހަގަކުރެވުމާއެކު އޭނާ ވަނީ ވަގުތުން ޒޫގެ އިސްވެރިންނަށް އެކަން އަންގާފައެވެ.

އިތުރަށް ބެލުމަށްފަހު އެއް މެކޯ މަދުވެފައިވާކަން ޔަގީންވުމާއެކު، ޒޫގެ ސެކިއުރިޓީ ޑިޕާޓްމަންޓުން ވަނީ ދެހިވަލަ ފުލުހުންނަށް މައްސަލަ ހުށަހަޅާފައެވެ.

މިފަދަ ހާދިސާއެއް މީގެ ކުރިންވެސް ހިނގާފައިވެއެވެ. އެގޮތުން 2021 ވަނަ އަހަރުގެ އޮގަސްޓް 8 ވަނަ ދުވަހު ހަމަ މި ގޮޅިން ނޫ އަދި ރީނދޫ މަކޯއެއް ވަގަށް ނެގުމަށްފަހު ރަތުމަލާނާގެ ގެއެއްގައި އިންދާ ވަނީ ހޯދިފައެވެ.

މި މައްސަލައިގައި ފުލުހުން މިހާރު ދަނީ ސީސީޓީވީ ފުޓޭޖާއި ޒޫގެ ރެކޯޑްތައް ބަލައި ތަޙުޤީޤު ކުރިއަށް ގެންދަމުންނެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ލަންކާގައި ދިރިއުޅޭ ދިވެހިންނަށް މެޑިކަލް އަދި ސްޕައުސް ވިސާ 1 އަހަރު ދުވަހަށް ދޭން ފަށައިފިޚަބަރު | މަހެއް ކުރިންލަންކާގެ ސަލާމަތަށް ނުރައްކާވާ ގައުމުތަކުގެ ލިސްޓުން ރާއްޖެ އުނިކޮށްފި: ރިޕޯޓްޚަބަރު | މަހެއް ކުރިންދެ ޤައުމަށް ފައިދާ ކުރާނެ އެތައް ކަމެއް ކުރެވިދާނެ - ލަންކާ ރައީސް ޚަބަރު | މަހެއް ކުރިންލަންކާއާ އެކުވެސް އެކި ދާއިރާތަކުން އެއްބަސްވުންތައް އެކުލަވާލާނެޚަބަރު | މަހެއް ކުރިން