ބާސެލޯނާ އަދި ސްޕެއިނުގެ ޒުވާން ކުޅުންތެރިޔާ ލަމީން ޔަމާލްގެ އަގު މިވަގުތު ވަނީ ދުނިޔޭގައި މިވަޤުތު ހުރި އެންމެ އަގުބޮޑު ކުޅުންތެރިޔާގެ ގޮތުގައި ރެކޯޑުކުރެވިއްޖެއެވެ.
ފުޓްބޯޅަ ދުނިޔޭގެ ކުޅުންތެރިންގެ އަގު ވަޒަންކުރުމުގައި އެންމެ އިތުބާރުހުރި ވެބްސައިޓް ކަމުގައިވާ ޓްރާންސްފަރމާކެޓުން މިއަދު ވަނީ މިކަން ވަނީ ހާމަކޮށްފައެވެ. އެގޮތުން އޭނާގެ އަގޮކޮށްފައިވަނީ 200 މިލިޔަން ޔޫރޯގައެވެ. މީގެކުރިން މިމަޤާމުގައި އޮތީ ރެއާލް މެޑްރިޑްގެ ވިނީޝިއުސްއެވެ. ނަމަވެސް އަލަށް ނެރުނު ލިސްޓުގައި ވިނީޝިއުސްގެ އަގުވަނީ 30 މިލިޔަން ޔޫރޯދަށްވެ، ތިންވަނައަށް ވެއްޓިފައެވެ.

އުމުރުން އެންމެ 17 އަހަރުގެ ޔަމާލް ވޭތުވެދިޔަ އަހަރު ތެރޭގައި ވަނީ ބާސެލޯނާއަށް ޑޮމެސްޓިކް ޓްރެބަލް ހޯދުމުގައި މުހިންމު ދައުރެއް އަދާކޮށްފައެވެ. މީގެ އިތުރުން ސްޕެއިންގެ ޤައުމީ ޓީމާއެކު ޔޫރަޕިއަން ޗެމްޕިއަންޝިޕް ކާމިޔާބުކުރުމުގައިވެސް ޔަމާލް ވަނީ އިސް ދައުރެއް އަދާކޮށްފައެވެ.

Ad by Hajj Corporation

ބާސެލޯނާގެ ލާ މާސިޔާ އެކަޑަމީއިން ތަމްރީނުވެފައިވާ ޔަމާލް، މިހާރު ވަނީ ދުނިޔޭގެ އެންމެ ފާހަގަކޮށްލެވޭ ހުނަރުވެރި ކުޅުންތެރިންގެ ތެރެއިން އެއް ކުޅުންތެރިޔާއެވެ. އަދި ގިނަ ބަޔަކު ޤަބޫލުކުރާގޮތުގައި ކުރިޔަތް އޮތްތަނުގައި ޔަމާލް ދުނިޔޭގެ އެންމެ މޮޅުކުޅުންތެރިންތެރޭގައި ހިމެނޭނެއެވެ. އޭނާ ބާސެލޯނާ އަދި ސްޕެއިނުގައި ދައްކަމުންދާ ފެންވަރު ރަނގަޅު ކުޅުމެދު ގިނަބައެއްގެ ތަޢުރީފު ދަނީ އޮހޮމުންނެވެ. އަދި ޔަމާލް އަކީ ކުރިޔަށް އޮތް ބެލަންޑިއޯ އެވޯޑަށް މިއަހަރު އެންމެ ވާދަކުރާނެ އެއް ކުޅުންތެރިޔާއެވެ.

ޔަމާލްގެ މި އަގުބޮޑުވުމަކީ އޭނާ ދައްކަމުންދާ މޮޅު ކުޅުމާއި، އުމުރާއި، އޭނާގެ ކޮންޓްރެކްޓާއި ކުރިމަގުގައި އިތުރަށް ތަރައްޤީވެ ކުރިއަރައި ދިއުމުގެ ފުރުސަތު އޮތް މިންވަރަށް ބަލައި ކަނޑައެޅިފައިވާ އަގެކެވެ. ބާސެލޯނާގެ ޖާރޒީގައި ޔަމާލް މިހާތަނަށް 4 ތަށްޓެއް ކާމިޔާބުކޮށްފައިވާއިރު، ޔަމާލް ވަނީ މިދިޔަ އަހަރުގައި ސްޕެއިންއަށް ޔޫރޯ ކާމިޔާބުކޮށްދިނުމުގައި މުހިންމުދައުރެއް އަދާކޮށްދީފައެވެ.