އދ. ދިގުރަށުގައި ތިމާވެށީގެ ދުވަސް ފާހަގަކުރުމުގެ ގޮތުން އަދި ސަރުކާރުގެ ފަސް މިލިއަން ގަސް އިންދުމުގެ ޕްރޮގްރާމުގެ ދަށުން ގަސް އިންދުމުގެ ޚާއްޞަ ޙަރަކާތެއް ކާމިޔާބުކަބުކަމާއެކު ކުރިއަށް ގެންގޮސްފިއެވެ.

މި ޙަރަކާތް ރާވައި ހިންގީ ދިގުރަށު ކައުންސިލާއި ރަށުގެ ތިމާވެށި ރައްކާތެރިކުރުމަށް މަސައްކަތްކުރާ ޖަމްޢިއްޔާތަކުގެ އެހީތެރިކަމާއެކުއެވެ. މި ޙަރަކާތުގައި ރަށުގެ ގިނަ އަދަދެއްގެ ރައްޔިތުން ބައިވެރިވިއެވެ.

Ad by Hajj Corporation

"މިއަދުގެ މި ޙަރަކާތަކީ އަޅުގަނޑުމެންގެ ރަށުގެ ތިމާވެށި ރައްކާތެރިކުރުމަށް އެޅޭ މުހިންމު ފިޔަވަޅެކެވެ. އަދި ހަމައެހެންމެެންމެ ޤައުމީ ފެންވަރުގައި ކުރިއަށްދާ ފަސް މިލިއަން ގަސް އިންދުމުގެ ޕްރޮގްރާމަށް އެހީތެރިވުމުގެ ގޮތުން ކުރެވޭ މަސައްކަތެކެވެ." ދިގުރަށު ކައުންސިލްގެ ރައީސް އަޙްމަދު ޝަރީފް

ތިމާވެށީގެ ދުވަހާ ގުޅުވައިގެން މިފަދަ ޙަރަކާތެއް ބޭއްވުމަކީ ރަށުގެ ރައްޔިތުންނަށް ތިމާވެށި ރައްކާތެރިކުރުމުގެ މުހިންމުކަން ހަނދާންކޮށްދިނުމުގެ ރަނގަޅު ފުރުޞަތެއް ކަމުގައި ބައިވެރިން ފާހަގަކުރިއެވެ.

ސަރުކާރުގެ ފަސް މިލިއަން ގަސް އިންދުމުގެ ޕްރޮގްރާމަކީ ރާއްޖޭގެ ތިމާވެށި ރައްކާތެރިކުރުމަށާއި މޫސުމަށް އަންނަ ބަދަލުތަކުގެ ނޭދެވޭ އަސަރުތައް ކުޑަކުރުމަށް އަމާޒުކޮށްގެން ކުރިއަށްގެންދާ މުހިންމު މަޝްރޫޢެކެވެ.