ދަނޑުވެރިކަމާއި ދިރޭތަކެއްޗާބެހޭ ވުޒާރާގެ ފަރާތުން ހަނިމާދޫ ކައުންސިލަށް 50 ބަނބުކެޔޮ ގަސް ހަދިޔާކޮށްފިއެވެ.

ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރްޔަމް މާރިޔާ ހަނިމާދޫއަށް ވަޑައިގެން،  ކާބޯތަކެތީގެ ރަށްކާތެރިކަމަށް ހަނިމާދޫގައި ކުރެވިދާނެ ކަންކަމާއި، ކުރިމަތިވާ ގޮންޖެހުންތަކާއި ބެހޭގޮތުން މަޝްވަރާ ކުރައްވާފައިވެއެވެ. 

Ad by Hajj Corporation

ވަޒީރު ޑރ. މަރްޔަމް މާރިޔާ ހއ. އަތޮޅަށް ކުރެއްވި ދަތުރުފުޅުގައި އެކަމަނާ ވަނީ އެއަތޮޅު އުލިގަމާއި ކެލައަށްވެސް ވަޑައިގެން އެރަށްރަށުގެ ކައުންސިލާ ވަނީ ބައްދަލުކުރައްވާފައެވެ. މިބައްދަލުކުރެއްވުންތަކުގައި ކައުސްސިލްތަކުންވަނީ ދަނޑުވެރިންނަށް ބޭނުންވާ ފަންނީ ތަމްރީންތަކާއި، ލުއި ލޯނުގެ ފުރުޞަތުތައް އިތުރަށް ބޭނުންވާކަން ފާހަގަ ކުރައްވާފައެވެ. އަދި މި ބައްދަލުވުމުގައި ދަނޑުވެރިންނަށް ކުރިމަތިވާ ގޮންޖެހުންތައް ވެސް ވަނީ ޙިއްސާކޮށްފައެވެ.

ކެލާ ކައުންސިލާއެކު ބޭއްވި ބައްދަލުކުރެއްވުމުގައި ވަޒީރު ޑރ. މަރްޔަމް މާރިޔާ ވަނީ އެރަށުގައި ކާބޯތަކެތީގެ ރައްކާތެރިކަން ކަށަވަރުކުރުމާ ގުޅޭ މަޝްރޫއެއް ކުރިއަށްގެންދިއުމާ ގުޅޭގޮތުން މަޝްވަރާކުރައްވާފައެވެ. މީގެ އިތުރުން ވަޒީރު ވަނީ މިދަތުރުފުޅުގައި ދަނޑުވެރިކަން ފުޅާދާއިރާއެއްގައި އެއަތޮޅުގައި ކުރިއަށްގެންދާ މާފައްސަށް ވަޑައިގެން އެރަށުގައި ދަނޑުވެރިކަމުގެ މަސައްކަތްތައް ކުރިޔަށްގެންދާގޮތް ބައްލަވައިލައްވާފައެވެ.

ސަރުކާރުގެ ސިޔާސަތުތަކާއެއްގޮތަށް ރާއްޖޭގައި ކާނާގެ ޔަޤީންކަން އިތުރުކުރުމަށް ކުރެވެންހުރި މަސައްކަތްތައް ރަށްރަށުގެ ކައުންސިލްތަކާއި، ކަމާގުޅުންހުރި އެހެނިހެން އިދާރާތަކާއި ގުޅިގެން އެވުޒާރާއިންދަނީ ކުރަމުންނެވެ.