ގަވާއިދާ ހިލާފަށް ރާއްޖޭގެ ސަރަހައްދުގައި ހަރަކާތްތެރިވަމުންދިޔަ ބޭރުގެ 2 މަސްބޯޓް އަތުލައިގެންފައިވާކަމަށް ސިފައިން ބުނެފިއެވެ.

ސިފައިން ބުނީ ދިވެހިރާއްޖޭގެ ޚާއްޞަ އިޤްތިޞާދީ ސަރަހައްދުގައި ހަރަކާތްތެރިވަމުންދިޔަ ބޭރު ޤައުމެއްގެ 2 މަސްބޯޓް، އެމްއެންޑީއެފް ކޯސްޓްގާޑްގެ ބެލުމުގެ ދަށަށް ގެނެސްފައިވާކަމަށެވެ.

Ad by Hajj Corporation

އިތުރު އެއްވެސް މައުލޫމާތެއް ސިފައިން ހާމަކޮށްފައެއް ނުވެއެވެ.

އެމްއެންޑީއެފް އެއާ ކޯގެ ޑްރޯން ބޭނުން ކޮށްގެންނާއި އަދި އެމްއެންޑީއެފް ކޯސްޓްގާޑުން ގުޅިގެން އަންނަނީ ރާއްޖޭގެ ސަރަހައްދުތައް ބަލަހައްޓަމުންނެވެ.

އަސްކަރީ ޑްރޯން ހިމެނޭ ގޮތަށް ދިވެހި ސިފައިންގެ އެއާ ކޯ އިފްތިތާހް ކޮށްފައި ވަނީ މިދިޔަ މާޗު މަހުގެ 15ވަނަ ދުވަހުއެވެ.

އެމްއެންޑީއެފަށް ގެނައި ޔޫއޭވީ ޑްރޯންތަކަކީ 18،000 އާއި 25،000 ފޫޓު މަތިން އުދުހުމުގެ ގާބިލުކަން ލިބިގެންވާ ޑްރޯންތަކެކެވެ. އަދި 300 ކިލޯމީޓަރު ދުރުން މަރުކަޒަށް މައުލޫމާތު ފޯރުކޮށްދޭނެ ކަމަށާއި ހުއްޓުމެއް ނެތި 27 އާއި 50 ގަޑިއިރު އުދުހުމުގެ ގާބިލް އެ އުޅަނދުތަކަށް ލިބިގެންވާ ކަމަށް އެމްއެންޑީއެފުން ބުނެފައިވެއެވެ.